काठमाडौँ । जगदम्बा मोटर्सले ‘मनसुन एक्सचेन्ज’ अभियान सार्वजनिक गरेको छ । नेपालको लागि टीभीएसको आधिकारिक वितरक कम्पनी जगदम्बा मोटर्सले आफ्ना ग्राहकहरूका लागि ‘मनसुन एक्सचेन्ज’ अभियान सार्वजनिक गरेको हो ।
ग्राहकहरूलाई असाधारण डिलहरू र सवारी अपग्रेड गर्ने मौका प्रदान गर्दै यो अभियान जेठ २३ देखि जेठ २८ गतेसम्म चल्नेछ ।’मनसुन एक्सचेन्ज’ अभियानले स्मार्ट कनेक्ट, आरटि एफआई बिएएस भिआई राइड मोडहरू र जिटिटि (ग्लाइड थ्रु ट्राफिक) जस्ता नवीनतम प्रविधिहरूले सुसज्जित टिभिएस मोटरसाइकल मोडलहरूमा रोमाञ्चक लाभहरू प्रदान गर्दछ । यी सुविधाहरूले सवारी चलाउने अनुभव, सुधारिएको प्रदर्शन र उच्च इन्धन दक्षता सुनिश्चित गर्दछ ।
त्यस्तै, यस सीमित अवधिको अभियानमा ग्राहकहरूले टीभीएसका बाइक तथा स्कुटरको खरिदमा क्यास डिस्कान्ट पाउनेछन् । साथै, पुरानो मोटरसाइकलमा थप मूल्याङ्कन प्राप्त गर्नेछन् र यी प्रस्तावहरूलाई अझ पहुँच योग्य बनाउन जगदम्बा मोटर्सले बजारकै सबैभन्दा कम ३ हजार ९ सय ९९ प्रति महिनाको इएमआई पनि उपलब्ध गराएको छ । त्यस्तै, ग्राहकहरूले हेलमेट, बाइक कभर र ब्याग लगायत नि:शुल्क सामग्री पनि प्राप्त गर्न सक्नेछन् ।
जगदम्बा मोटर्स प्रालि नेपालमा टीभीएसका दुई पाँग्रे सवारी साधनका लागि एक मात्र आधिकारिक वितरक हो । कम्पनीको नेपालभर १ सय ४० भन्दा बढी डिलरहरूको बलियो राष्ट्रव्यापी वितरण सञ्जालका साथ टिभिएसले बजारमा आफ्नो मजबुत पकड राख्न तथा ग्राहकहरूको मनमस्तिष्कमा उच्च स्थान जमाउन सफल छ ।
गुणस्तरीय उत्पादनहरू, बिक्री पश्चातको उत्कृष्ट सेवा र देशभर जगेडा पार्टपुर्जाको उपलब्धता मार्फत उपभोक्तालाई दिइएको उच्चतम् सन्तुष्टिका कारण आज टिभिएस नेपालको सर्वाधिक रुचाइएको टू-ह्विलर ब्रान्डका रुपमा स्थापित छ ।
