काठमाडौं। कुमारी बैंक लिमिटेडले संस्थापक सेयर बिक्रीमा ल्याएको छ। बैंकले जेठ २८ गते सोमबारदेखि संस्थापक सेयरधनीहरूका नाममा रहेको ३ लाख ५४ हजार ५ सय ५५ कित्ता संस्थापक सेयर बिक्रीमा ल्याएको हो। 

उक्त सेयरमा बैंकका अन्य संस्थापक सेयरधनीले मात्र आवेदन दिन सक्नेछन् । सेयर खरिद गर्न इच्छुक संस्थापकले आफूले खरिद गर्न चाहेको सेयर संख्या खुलाई आगामी ३५ दिनभित्र दिनुपर्ने बैंकले जनाएको छ। 

सेयर भाउ भने बिक्रेताले तोके बमोजिम हुने सूचनामा उल्लेख छ । यदि सो अवधिमा संस्थापक सेयरधनीबाट आवेदन नपरेमा अन्य व्यक्ति तथा संस्थालाई सेयर बिक्री गरिने बैंकले जनाएको छ।