काठमाडौँ । मंगलबार राष्ट्रिय स्वतन्त्र पार्टी (रास्वपा)का सांसदहरु नेपाली क्रिकेट टोलीको जर्सी लगाएर संसद् बैठकमा पुगेका छन् । ‘टि-२० विश्वकप’ खेल्न अमेरिका पुगेका नेपाली क्रिकेट खेलाडीको हौसला बढाउन भन्दै रास्वपाका सांसदहरु प्रतिनिधि सभाको बैठकमा नेपाली क्रिकेट टोलीको जर्सी लगाएर संसद् भवन पुगेका हुन् ।
नेपाली क्रिकेटको जर्सी लगाएका रास्वपाका सांसदहरुले संसद भवनमा सामूहिक तस्विरसमेत खिचाएका छन् ।
उनीहरुले एक दशकपछि नेपालले जेठ २२ गते (मंगलबार) ‘टि-२० विश्वकप’को पहिलो खेल खेल्न लागेकोले खेलाडीको हौसला बढाउन भन्दै नेपाली क्रिकेट टोलीको जर्सी लगाएको बताएका छन् । नेपाली क्रिकेट टोलीको जर्सी लगाएर संसद् बैठकमा सहभागी हुनुको नितान्त उद्देश्य खेलाडीको हौसला बढाउनु रहेको रास्वपा सांसदको भनाई छ ।
आज नेपालले अमेरिकाको डालास्थित ग्रान्ड प्रिएरी क्रिकेट रङ्गशालामा नेपाली समयअनुसार रातीको ९ बजे नेदरल्याण्डसँग ‘टि-२० विश्वकप’को पहिलो खेल खेल्दैछ । बाँकी फोटो फिचरमा हेर्नुहोस्ः
