काठमाडौँ । सिटिजन्स बैंकको सञ्चालकमा अनिल ज्ञवाली नियुक्त भएका छन् । असार २४ गते (सोमबार) बसेको बैंकको सञ्चालक समितिको बैठकले ज्ञवालीलाई सञ्चालकमा नियुक्त गरेको हो ।
फिलिपिन्सबाट व्यवस्थापन विषयमा स्नातकोत्तर गरेका ज्ञवालीसँग तीन दशक लामो बैंकिङ अनुभव छ ।
उनीसँग अन्तराष्ट्रिय बैंकमासमेत काम गरेको अनुभव रहेको बैंकले जनाएको छ । ज्ञवाली यसअघि पनि सिटिजन्स बैंकको सञ्चालक बनिसकेका थिए ।
उनीसँग २ वाणिज्य बैंक तथा नेपाल पूर्वाधार बैंकको प्रमुख कार्यकारी अधिकृतको अनुभव पनि छ ।
