काठमाडौँ । अख्तियार दुरुपयोग अनुसन्धान आयोगले घुस लिएको आरोपममा लेखा अधिकृतलाई नियन्त्रणमा लिएको छ । अख्तियार दुरुपयोग अनुसन्धान आयोगको कार्यालय हेटौंडाबाट खटिएको टोलीले बीपी कोइराला मेमोरियल क्यान्सर अस्पताल, भरतपुर, चितवनमा कार्यरत लेखा अधिकृत अमृता कोइरालालाई आयोगले एक लाख ५० हजार घुससहित नियन्त्रणमा  लिएको हो ।

औषधि आपूर्तिको बिल भुक्तानी दिए बापत सेवाग्राहीसँग घुस लिने क्रममा आयोगको टोलीले कोइरालालाई नियन्त्रणमा लिएको प्रवक्ता नरहरि घिमिरे जानकारी दिएका छन् ।

उनीबाट सेवाग्राहीबाट लिँदै गरेको एक लाख ५० रुपैयाँ र चार लाख ५० हजार रुपैयाँको चेकसमेत रहेको अख्तियारले जनाएको छ ।

हाल कोइरालामाथि थप अनुसन्धान भइरहेको छ ।