काठमाडौं। नेपाल सरकारले करिब ३० अर्वको ट्रेजरी बिल नवीकरण गर्ने भएको छ । सार्वजनिक ऋण व्यवस्थापन कार्यालयले २९ अर्ब ६६ करोड रुपैयाँको ट्रेजरी बिल नवीकरण गर्ने भएको हो।कार्यालयले २८ दिन, ९१ दिन, १८२ दिन र १ वर्षको ट्रेजरी बिल नवीकरण गर्न लागेको हो ।
सार्वजनिक ऋण व्यवस्थापन कार्यालयले २८ दिनको लागि ८ अर्ब रुपैयाँको ट्रेजरी नवीकरण गर्न लागेको हो । यो ट्रेजरी साउन १५ गते परिपक्व हुनेछ । साथै, ९१ दिनका लागि ७ अर्ब ७५ करोड रुपैयाँ बराबरको ट्रेजरी बिल नवीकरण गर्न लागेको हो । यो ट्रेजरी मंसिर १५ गते परिपक्व हुनेछ ।
त्यस्तै, १८२ दिनका लागि ५ अर्ब रुपैयाँ बराबरको ट्रेजरी बिल नवीकरण गर्न लागेको हो । यो ट्रेजरी पुस १६ गते परिपक्व हुनेछ । साथै, १ वर्षको लागि ८ अर्ब ९१ करोड रुपैयाँ बराबरको ट्रेजरी बिल नवीकरण गर्न लागेको हो । यो ट्रेजरी २०८२ असार १७ गते परिपक्व हुनेछ ।
असार १८ गते मंगलबार जारी हुने उक्त ट्रेजरी बिलका लागि असार १७ गते सोमबार दिउँसो १ बजेदेखि ३ बजे ट्रेजरी बोलकबोल हुने जनाईएको छ । बोलकबोलमा सबै वर्गका बैंक तथा वित्तीय संस्था, संगठित संस्था तथा सर्वसाधारण नागरिक समेत सहभागी हुन सक्नेछन् ।
