काठमाडौं । साताको कारोबारको दोश्रो दिन सोमबार सेयर बजारमा करेक्सन देखिएको छ । आइतबारको तुलनामा नेप्से परिसूचक २०.४६ अंकले घटेर २६६१.०९ बिन्दुमा पुगेको हो ।
नेप्सेमा कुल ३ सय २५ कम्पनीको ४ करोड ७७ लाख ९० हजार ८ सय ३७ कित्ता सेयर खरिदबिक्री हुँदा १९ अर्बमाथिको सेयर कारोबार भएको छ ।
सोमबार सबैभन्दा बढी कारोबार शिवम् सिमेन्टको भएको छ । यस कम्पनीको ६१ करोड १२ लाख ८६ हजार ६ सय ८३ रुपैयाँ ८० पैसा बराबरको सेयर कारोबार भएको छ ।
आजको बजारमा सबैभन्दा बढी नाफा नेपाल फाइनान्सका लगानीकर्ताले कमाएका छन् । यस कम्पनीको सेयर ९ प्रतिशतभन्दा धेरैले बढेको हो ।
यसैगरी आज आरम्भ चौतारी लघुवित्त वित्तीय संस्थाका लगानीकर्ताले सबैभन्दा धेरै गुमाएका छन् । यस कम्पनीको सेयर मूल्य ८ प्रतिशत भन्दा धेरैले घटेको हो ।
