काठमाडौँ । त्रिभुवन अन्तराष्ट्रिय विमानस्थलमा दुर्घटना भएको सौर्य एयरलाइन्सको विमानबाट चार जनाको शव निकालिएको छ । उद्धारमा खटिएका अग्नि नियन्त्रकहरुले हालसम्म चार जनाको शव निकालेका हुन् ।
अग्नि नियन्त्रकका अनुसार यसअघि उद्धार गरिएका जहाजका क्याप्टेन ३७ वर्षीय मनीष शाक्यलाई भने थप उपचारका लागि केएमसी अस्पताल लगिएको छ ।
बुधबार बिहान करिब ११ बजे काठमाडौँबाट पोखराका जान लागेको सौर्य एयरलाइन्सको ९ एन-एएमई/सीआरजे २०० कलसाइनको जहाज दुर्घटना भएको थियो । जहाजमा चालक दलका सदस्यसहित १९ जना रहेको बताइएको छ ।
दुर्घटनाबारे थप विवरण आउन बाँकी छ ।
