काठमाडौँ । उपप्रधान एवम् गृहमन्त्री रवि लामिछाने गृह मन्त्रालयबाट बिदा भएका छन् । आइतबार मन्त्रालयमा पत्रकार सम्मेलन गर्दै लामिछाने मन्त्रालयबाट बिदा भएका हुन् ।
मन्त्रालयबाट बिदा हुँदै रविले आफ्ना विषयमा उठेका प्रश्नहरुमाथि छानबिन गर्न आग्रह गरेका छन् । उनले आफू गृहमन्त्रीको पदमा रहँदा अनुसन्धानमा अप्ठ्यारो परेको भए अब निर्धक्कसँग अनुसन्धान गर्न आग्रह गरेका छन् ।
‘मेरो बारेमा धेरै कुरा उठेका छन्, उठ्छ, हिजो पनि उठेका हुन् । मैले आफ्नो विषयमा यो गर्नुस्, त्यो गर्नुस् भनेको छैन ।’, उनले भने, ‘तर पनि मन्त्री भएका कारणले केही अप्ठ्यारो परेको रहेछ भने आजैबाट मेरा विषयमा गहन अध्ययन, अनुसन्धान गर्नुस् । गल्ती गरेको भए जो कोही होस्, बच्नु हुँदैन, बचाउनु हुँदैन ।’
जाँदाजाँदै रविले एमाले र काँग्रेस दुई ठूला राजनीतिक दल एक ठाउँमा उभिएर सरकार बनाउनु चुनौतिपूर्ण भएको पनि उल्लेख गरेका छन् । बाँकी फोटो फिचरमा हेर्नुहोस्ः
