काठमाडौं । साताको कारोबारको तेश्रो दिन मंगलबार सेयर बजार मापक नेप्से परिसूचक बढेको छ । सोमबारको तुलनामा नेप्से परिसूचक ३५.५५ अंकले बढेर २६९६.६५ बिन्दुमा पुगेको हो ।

नेप्सेमा कुल ३ सय २९ कम्पनीको ४ करोड ३ लाख ७१ हजार ७ सय ७८ कित्ता सेयर खरिदबिक्री हुँदा १७ अर्बमाथिको सेयर कारोबार भएको छ ।

मंगलबार  सबैभन्दा बढी कारोबार हिमालयन रिइन्स्योरेन्सको भएको छ । यस कम्पनीको ६० करोड १० लाख ८ हजार ७ सय ३० रुपैयाँ ३० पैसा बराबरको सेयर कारोबार भएको छ ।

आजको बजारमा सबैभन्दा बढी नाफा प्रोग्रेसिभ फाइनान्सका लगानीकर्ताले कमाएका छन् । यस कम्पनीको सेयर मूल्यमा पोजेटिभ सर्किट लागेको हो ।

यसैगरी आज एसियन हाइड्रोपावरका लगानीकर्ताले सबैभन्दा धेरै गुमाएका छन् । यस कम्पनीको सेयर मूल्यमा नेगेटिभ सर्किट लागेको हो ।