काठमाडौँ । काठमाडौँको नागार्जुन नगरपालिकामा गरीब तथा सुकुम्बासीका लागि बनेका भव्य संरचना जीर्ण बन्दै गएका छन् । बागमती, विष्णुमती र मनहरा किनारका सुकुम्बासीका लागि निर्माण गरिएका संरचना जीर्ण बन्दै गएका हुन् । 

यसो त सरकारले सुकुम्बासी र गरिब व्यक्तिहरुका लागि भन्दै चारवटा ठूला अपार्टमेन्ट बनाएको छ । १२ करोड रुपैयाँ लगानीमा दुई स्थानमा निर्माण गरिएका ती भवनमध्ये एउटामा १०० र अर्कोमा १२४ फ्ल्याट छन् ।

नदी किनारमा रहेका सक्कली सुकुम्बासीहरुलाई सुविधासहितको भवनमा व्यवस्थापन गर्ने भन्दै तत्कालीन प्रधानमन्त्री बाबुराम भट्टराईका पालामा २०६९ सालमा सरकारले यी भवनहरु बनाउने निर्णय गरेको थियो । तर, सहरी विकास तथा भवन निर्माण विभागको नेतृत्वमा बनेको आवास काठमाडौँका वास्तविक सुकुम्बासीले देख्नसम्म पाएका छैनन् ।

पूर्ण रुपमा प्रयोगमा नआएकै कारण अहिले जीर्ण बन्दै गएको अपार्टमेन्टको एउटा ब्लकमा नागार्जुन नगरपालिका-१ को कार्यालय र अस्थायी पोष्ट रहेको छ भने एउटा बल्क भने मानव सेवा आश्रमले प्रयोग गरिरहेको छ । यसरी सुकुम्बासी र गरिबहरूको लागि बनाइएका सो अपार्टमेन्टहरु पूर्ण रूपमा प्रयोग नहुँदा लेऊ, र झारले छोपिएको भने जीर्ण समेत बन्दै गएको छ । बाँकी फोटो फिचरमा हेर्नुहोस्ः