काठमाडौं । कुमारी बैंक लिमिटेडको नाफामा आकर्षक बृद्धि देखिएको छ । बैंकले गत आर्थिक वर्षको चौथो त्रैमाससम्ममा २ अर्ब ३० करोड रुपैयाँ खुद नाफा आर्जन गरेको छ । जुन खुद नाफा अघिल्लो वर्षको तुलनामा ३४५.६७ प्रतिशतले बढेको हो । जबकी अघिल्लो आर्थिक वर्षको सोहि अवधिमा बैंकले ५१ करोड ७९ लाख रुपैयाँ मात्रा नाफा आर्जन गरेको थियो ।

असार मसान्तसम्ममा बैंकको संचालन नाफा पनि ३०५.९४ प्रतिशतले बढेर ३ अर्ब ९० करोड रुपैयाँ पुगेको छ । गत वर्ष यस्तो नाफा ९६ करोड १६ लाख रुपैयाँ रहेको थियो ।

त्यसैगरी, कुमारी बैंकको इम्पेयरमेन्ट चार्ज ८ अर्ब ११ करोड रुपैयाँबाट घटेर ३ अर्ब ५६ करोड रुपैयाँ कायम भएको छ । इम्पेयरमेन्ट चार्ज घट्दा र संचालन नाफामा बढोत्तरी देखिँदा नाफा बढेको हो ।

समिक्षा अवधिमा बैंकको खुद ब्याज आम्दानी भने ०.७२ प्रतिशतले घटेर १० अर्ब ९८ करोड रुपैयाँ पुगेको छ । बैंकको प्रतिसेयर आम्दानी ६ रुपैयाँ ८३ पैसाले बढेर ८ रुपैयाँ ८० पैसा कायम भएको छ भने प्रतिसेयर नेटवर्थ १४१ रुपैयाँ ४७ पैसा रहेको छ ।

हाल कुमारी बैंकको चुक्ता पुँजी २६ अर्ब २२ करोड रुपैयाँ रहेको छ । यसको रिजर्भ कोषमा १४ अर्ब ६६ करोड रुपैयाँ नाघेको छ ।