काठमाडौँ । अन्तर्राष्ट्रिय सम्बन्ध र पर्यटन समिति सभापति राजकिशोर यादवले सिमलतालको पहिरोमा परी त्रिशुलीमा बेपत्ता बसको बारेमा चिनियाँ राजदुत छन् सोङले दिएको अभिव्यक्ति कुटनीतिक मर्यादा विपरित भएको बताएका छन् । उनले भयानक दुर्घटनाले सारा देश स्तब्ध बनिरहेको बेला चिनियाँ राजदूतको अभिव्यक्ति कुटनीतिक मर्यादा विपरीत भएको बताएका हुन् ।
त्रिशुलीमा हराएका बसु र यात्रुहरु खोज्नका लागि भारतबाट आएको गोताखोर टोलीकाबारेमा चिनियाँ राजदुतले दिएको टिप्पणी दुर्भाग्यपूर्ण रहेको यादवको भनाई छ ।
सभापति यादवले नेपाल र चीनको बीचमा कसरी राम्रो सम्बन्ध बनाउन सकिन्छ ? भन्ने मात्रै अधिकार राजदुतलाई हुने भन्दै नेपालको आन्तरिक मामिलामा टिप्पणी गर्ने कुरा सह्य नभएको पनि बताए । ‘त्रिशुलीमा हराएको बस र यात्रु खोज्न भारतबाट टोली आएको र त्यससँग नेपालका लागि चिनियाँ राजदूतले भद्दा दिप्पणी गर्नु दुर्भाग्यपूर्ण छ ।’, सभापति शाहले भने, ‘नेपालको आन्तरिक मामिलामा एउटा राजदूतले भद्दा टिप्पणी गर्नु दुई देशको सम्बन्धका लागि पनि राम्रो होइन । जुन कुनै हालतमा सह्य छैन ।’
त्यस्तै, यादवले चिनियाँ राजदूतले पदीय मर्यादाविपरीतको आचरण गरेको पनि उल्लेख गरेका छन् । सो विषयमा मन्त्रालयसँग जानकारी लिएपछि समितिले आवश्यक निर्देशन दिने पनि यादवले बताएका छन् ।
