काठमाडौँ । भारतीय खाद्य सुरक्षा तथा मानक प्राधिकरणले खाद्य नमुना परीक्षणको लागि डिएफटिक्युसीको राष्ट्रिय खाद्य तथा दाना सन्दर्भ प्रयोगशालालाई मान्यता दिएको छ ।

एनएफएफआरएल काठमाडौंद्वारा जारी गरिएको विश्लेषण प्रमाणपत्रहरू खाद्य आयातको लागि भारतका सम्बन्धित अधिकारीहरूले स्वीकार गर्नेछन् ।

स्वीकृत उत्पादनहरूको सूचीमा जुस, जाम, जेली अचार, क्यान्डी, अदुवा, ताजा फलफूल, तरकारी र चाउचाउ समावेश छन् ।

यसले यी वस्तुहरूको नेपाली निर्यात बढाउन मद्दत गर्ने छ ।