काठमाडौँ । नेपाल धितोपत्र बोर्डले हिम स्टार उर्जा कम्पनी लिमिटेडलाई आईपीओ निष्काशनका लागि अनुमति दिएको छ । बोर्डले प्रतिकित्ता १०० रुपैयाँ अंकित मूल्यमा ११ लाख १९ हजार कित्ता आइपीओ निष्काशन गर्न कम्पनीलाई अनुमति दिएको हो ।
बोर्डको अनुमतिसँगै कम्पनीले छिट्टै कुल ११ करोड १९ लाख रुपैयाँ बराबरको आईपीओ जारी गर्ने भएको छ । आईपीओको बिक्री प्रबन्धकमा एनआईसी एशिया क्यापिटल रहेको छ ।
कम्पनीले ५ मेगावाट क्षमताको विद्युत उत्पादनका लागि अनुमति लिएको छ । उक्त परियोजनाको निर्माणका लागि आवश्यक पूँजी संकलन गर्ने उद्देश्यले कम्पनीले सेयर निष्काशन गर्न लागेको हो ।
