काठमाडौँ । नेपाल एसबिआई बैंक लुट्न आएकाहरुको आक्रमणबाट घाइते भएका सुरक्षा गार्डको प्राथमिक उपचार सम्पन्न भएको छ । मंगलबार राती सिन्धुलीको घ्याङलेख गाउँपालिकामा रहेको बैंकको शाखा लुटपाटका क्रममा उनीमाथि धारिलो खुकुरी प्रहार भएको थियो ।

बैंकको रकम लुट्न आएका लुटेराहरुले उनलाई आक्रमण गरी, अन्य कर्मचारीहरुलाई बाँधेर लुटेराहरुले बैंक लुटेका थिए ।

घाइते सुरक्षा गार्डको नाम रुद्र कार्की हो । प्राथमिक उपचारपछि उनलाई प्रहरीले आफ्नै सुरक्षामा राखेको छ । प्रहरीले उनीमाथि घटनाबारे थप सोधपुछ गरिरहेको छ ।

यो पनि:९ बुँदामा नेपाल एसबिआई लुट प्रकरणको अपडेट: स्थानीयले ढुंगा हानेपछि पैसा छर्दै भागे लुटेरा, ‘पेस्तोल देखाएर लुटे’

यो पनि:नेपाल एसबिआई बैंक लुट प्रकरण Update : बैंक मेनेजर भन्छन्- ‘अहिले सबै प्रहरीसँगै छौँ, कर्मचारी सुरक्षित छौँ’

कार्कीले प्रहरीलाई दिएको बयान अनुसार अचानक बैंक प्रवेश गरेका लुटेराहरुले सुरुमै उनीमाथि आक्रमण गरेका थिए । बैंक लुट्न खोजिएको थाहा पाएपछि लुटेराहरुलाई रोक्न खोजेको कार्कीले बताएका छन् । तर, उनीहरुलाई रोक्न खोजेको भन्दै लुटेराहरुले धारिलो हतियारले हात काटिदिएको कार्कीको भनाई छ ।

घाइते भएपछि लुटेराहरुले कार्कीलाई बाँधेर राखेका थिए । पछि माथिल्लो तलामा बस्ने बैंकका कर्मचारीलाईसमेत बाँधेर कोठाभित्रै थुनेर लुटेराहरुले बैंक लुटेको कार्कीले प्रहरीसँग बताएका छन् ।

यो पनि:अपडेट: बैंक लुटिएपछि प्रहरीले चलायो ‘सर्च अपरेशन’, २ बोरा पैसा जंगलमा फेला, लुटेरा अझै फरार (फोटो /भिडियो)

प्रहरीले लुटिएको रकममध्ये २ बोरा पैसा, गाडी, र गाडीका सवारी चालकलाई पक्राउ गरिसकेको छ । हाल पक्राउ परेका ड्राइभर, बैंकका कर्मचारी, सुरक्षा गार्डलाई राखेर अनुसन्धान भइरहेको प्रहरीले जनाएको छ । प्रहरीका अनुसार लुटपाटमा संलग्नहरुको खोजीकार्य तिव्र पारिएको छ ।