काठमाडौँ । माध्यामिक शिक्षा परीक्षा (एसइई)को रिजल्ट बैशाख २९ गतेभित्र सार्वजनिक गर्ने तयारी गरिएको छ ।

राष्ट्रिय परीक्षा बोर्डका अनुसार परीक्षा केन्द्रमा नै जाँच गरिएको उत्तरपुस्तिकाको इन्ट्री सकिएर हाल रुजु गर्ने काम भइरहेको छ । रुजु सक्नेबितिकै रिजल्ट सार्वजनिक गरिने बोर्डले जनाएको छ ।

यसपाली एसइई चैत १९ गतेदेखि २९ गतेसम्म सञ्चालन भएको थियो । उक्त परीक्षामा कुल ५ लाख १२ हजार ४ सय २१ जना परीक्षार्थी सहभागी भएका थिए ।