काठमाडौं । सनराइज फर्स्ट म्युचुअल फन्डले आफ्ना इकाईधनीहरुको खातामा प्रतिफल पठाउन सुरु गरेको छ । फन्डले आज मंगलबारबाट नगद लाभांश इकाईधनीहरुको बैंक खातामा पठाउन सुरु गरेको हो । हालसम्म डिम्याट खातासँग बैंक खाता अद्यावधिक नगराएका इकाईधनीहरुलाई खाता अद्यावधिक गराउ फन्डले आग्रह गरेको छ ।
यसका लागि इकाईधनीले आफ्नो डिम्याट खाता खोलेको निक्षेप सदस्यमा गएर इकाई डिम्याट गर्नुपर्नेछ । यस्तै हालसम्म पनि हितग्राही खाता नखोलेका इकाईधनीले भने खाता खोलेर इकाई डिम्याट गर्नुपर्नेछ । खाता अद्यावधिक गरेपछिमात्र लाभांश जम्मा हुने सन्राइज क्यापिटलले जनाएको छ । साथै इकाई धितो राखेका इकाईधनीले प्रतिफल लिनको लागि सम्बन्धित बैंक तथा वित्तीय संस्थाको स्वीकृति पत्र पेश गर्नुपर्नेछ ।
