काठमाडौं । आशा लघुवित्त वित्तीय संस्था र स्वरोजगार लघुवित्त वित्तीय संस्थाको लाभांश सुरक्षित गर्ने आज बिहिबार अन्तिम दिन रहेको छ । दुबै कम्पनीले साधारणसभा र लाभांश वितरण प्रयोजनको लागि कात्तिक १२ गते बुक क्लोज गरेसँगै आज बिहिबारसम्म कायम सेयरधनीले साधारणसभामा भाग लिन र लाभांश पाउनेछन् ।

आशाले गत आर्थिक वर्षको नाफाबाट सेयरधनीलाई २५% बोनस सेयर र कर प्रयोजनको लागि १.३१% नगद लाभांश वितरण गर्ने प्रस्ताव गरेको छ । सो प्रस्ताव पारित गर्न कम्पनीले आगामी कात्तिक २७ गते बिहान १० बजे फ एण्ड ट्रोउट भिलेज होटल एण्ड रेष्टुरेण्ट ककनी, नुवाकोटमा साधारणसभा बोलाएको छ ।

यस्तै स्वरोजगारले गत आर्थिकको नाफाबाट सेयरधनीलाई २५% बोनस सेयर वितरण गर्ने प्रस्ताव गरेको छ । सो प्रस्ताव पारित गर्न कम्पनीले आगामी कात्तिक २७ गते बिहान ११ बजे नेपाल प्रज्ञा प्रतिष्ठान कमलादीमा साधारणसभा बोलाएको छ ।