">
काठमाडौं । एनआइसी एशिया ब्यालेन्स्ड फन्डको प्रतिइकाई खुद सम्पति मूल्य (न्याभ) बढेको छ । कात्तिक मसान्तसम्ममा फण्डको न्याभ २७ पैसाले बढेर प्रतिइकाई खुद सम्पति मूल्य १४ रुपैयाँ ५९ पैसा कायम भएको छ । असोज महिनासम्ममा फण्डको न्याभ १४ रुपैयाँ ३२ पैसा पैसा रहेको थियो ।
यस्तै कात्तिक मसान्तसम्ममा आइपुग्दा फन्डको सेयर बजारमा लगानी घटेको छ । १ महिनाको अवधिमा सेयर बजारमा लगानी १ करोड ५ लाख ५७ हजार रुपैयाँले घटेर ७६ करोड ४५ लाख ५५ हजार रुपैयाँमा कायम भएको छ ।
यसअवधिमा फन्डले ८० वटा कम्पनीको सेयरमा लगानी गरेको छ । सबैभन्दा धेरै नबिल बैंकको सेयरमा लगानी गरेको छ । बैंकको ५० हजार ९१९ कित्ता सेयरमा ७ करोड ९३ लाख ८२ हजार रुपैयाँ लगानी गरेको छ । यता पछिल्लो १ महिनामा फन्डको बैंक मौज्दात भने २ करोड ५३ लाखबाट बढेर ५ करोड ६१ लाख रुपैयाँ कायम भएको छ ।
