काठमाडौं । एनआइबीएल एस क्यापिटलले नयाँ सुविधा ल्याएको छ । कम्पनीले आफ्नो खुलामुखी योजना ‘एनआइबीएल सहभागिता फन्ड’ को इकाई खरिद र बिक्री अनलाइनबाटै गर्न सकिने नयाँ सुविधा ल्याएको हो । अब लगानीकर्ताले घरबाटै खुलामुखी योजनाको इकाई किनबेच गर्न सक्ने भएका छन् ।

इकाई खरिद र बिक्री दुवै गर्न सकिने गरी मंसिर १९ गते आइतबारदेखि नै अनलाइन प्रणाली सञ्चालनमा ल्याइएको क्यापिटलले जनाएको छ । क्यापिटलले यसअघि नै अनलाइनबाट इकाई खरिद गर्न सकिने सुविधा विकास गरेको थियो । अब भने अनलाइनबाट इकाई बिक्री पनि गर्न सकिने भएको छ ।