काठमाडौं । नेपाल क्लियरिङ हाउसको १०औं वार्षिक साधारणसभा पुस २८ गते हुने भएको छ । सभा होटल र्‍याडिसन लाजिम्पाट, काठमाडौंमा दिउँसो १२:१५ बजे हुने भएको हो । कम्पनीको पुस ५ गते बसेको सञ्चालक समितिको बैठकले साधारण सभा गर्ने निर्णय गरेको हो ।

सभाले ३८ प्रतिशत बोनस सेयर र २ प्रतिशत नगद लाभांश कर प्रयोजनको लागि वितरण गर्ने प्रस्ताव पारित गर्नेछ । साथै सभाले आव २०७७/७८ को वार्षिक प्रतिवेदन छलफल गरी पारित गर्ने र आव २०७८/७९ को लागि लेखापरीक्षकको नियुक्ती गर्ने र निजको पारिश्रमिक निर्धारण गर्ने प्रस्ताव पनि पारित गर्नेछ ।