काठमाडौं । नेपाल स्टक एक्सचेञ्जले आफूसँग भएको डेटा बिक्री गर्ने भएको छ । नेप्सेले डेटा बिक्री गर्नका लागि गत माघमा विनियमावली बनाएर सेबोनमा पठाएको हो । बोर्डले उक्त व्यवस्थालाई ‘धितोपत्र कारोबार सञ्चालन विनियमावली-२०७५’ मा समावेश गर्ने भएको छ ।
विनियमावलीको तेस्रो संशोधनमा डेटा बिक्रीको व्यवस्था पनि समावेश गर्ने भएको छ । जसमा नेप्सेमा भएका विभिन्न तथ्याङक बिक्री गर्ने बारे उल्लेख छ । विनियमावली पास भएपछि नेप्सेले आफूसँग भएका डेटा बिक्री गर्न पाउने छ । त्यसका लागि क्षेत्रअनुसार शुल्क निर्धारण गरिने नेप्सेले जानकारी दिएको छ ।
नेप्सेको वेवसाइटमार्फत् पाउने डेटा भने लगानीकर्ताले किन्नु पर्दैन् तर कुनै कम्पनी, सञ्चारमाध्यमहरुले भने डेटाहरु प्रयोग गरेको खण्डमा शुल्क बुझाउनु पर्ने नेप्सेले जनाएको छ ।डेटा चाहिने निकायलाई विभाजन गरेर बिक्री गरिने भएको छ ।
