काठमाडौं । सरकारको निर्णयविरुद्ध राष्ट्र बैंकका गभर्नर महाप्रसाद अधिकारी सर्वोच्च अदालत पुगेका छन् । आफूलाई निलम्बन गर्ने सरकारको निर्णयविरुद्ध गभर्नर अधिकारी सर्वोच्च अदालत पुगेका हुन् । उनले आफूलाई पुनर्बहाली गर्नुपर्ने माग गरेका छन् ।

गत बिहीबार बसेको मन्त्रिपरिषद् बैठकले जाँचबुझ समिति गठन गर्दै उनलाई निलम्बन गरेको थियो । सरकारले गभर्नर अधिकारीलाई राष्ट्र बैंकका अति गोप्य सूचना चुहाएको, व्यवस्थापकीय जिम्मेवारी पूरा गर्न नसकेको र राष्ट्र बैंकको उद्देश्यअनुसार तोकिएका जिम्मेवारी पूरा नगरेको भन्दै निलम्बन गरेको हो ।