काठमाडौं । नेपाल सरकारको ३५ अर्ब बराबरको विकास ऋणपत्र नेप्सेमा सूचिकृत भएको छ । २०८५ “च” नामक विकास ऋणपत्र ६ वर्ष अवधिको लागि ५ अर्ब बराबरको, २०८४ “छ” नामक विकास ऋणपत्र ५ वर्ष अवधिको लागि १५ अर्ब र २०८४ “ज” नामक विकास ऋणपत्र ५ वर्ष अवधिको लागि १५ अर्ब बराबरको गरेर कुल ३५ अर्ब बराबरको विकास ऋणपत्र सूचिकृत भएको हो ।

२०८४ “छ” नामक विकास ऋणपत्र वार्षिक ९.१९ प्रतिशत ब्याजदरमा असार ८ गते निष्काशन गरिएको थियो । साथै साँवा भुक्तानी २०८४ असार ८ गते पाइनेछ । त्यसैगरी २०८४ “ज” नामक विकास ऋणपत्रको वार्षिक ९.०२ प्रतिशत ब्याजदरमा असार १५ गते निष्कासन गरिएको थियो । ऋणपत्रको साँवा भुक्तानी २०८४ असार १५ गते पाइनेछ । त्यस्तै २०८५ “च” नामक विकास ऋणपत्रको वार्षिक ८.४९ प्रतिशत ब्याजदरमा असार २२ गते निष्काशन गरेको थियो । यसको साँवा भुक्तानी २०८५ असार २२ गते पाइनेछ ।