काठमाडौं । सेवा अवधि बाँकी रहँदै एक वर्षमा ७ सय बढि सरकारी कर्मचारीले जागिर छोडेका छन् । चालु आर्थिक वर्ष २०८०/८१ मा निजामती सेवामा कार्यरत ७ सय ९४ कर्माचारीले जागिर छोडेका हुन् ।
उनीहरुले सेवा अवधि बाँकी रहँदै राजीनामा बुझाएको किताब खानाको रेकर्डमा उल्लेख छ ।
किताब खानाका अनुसार सेवावधि बाँकी रहँदै राजीनामा गर्नेमा सबैभन्दा बढी श्रेणीविहीन कर्मचारी (कार्यालय सहयोगी, हुलाकी, वन रक्षक, सवारी चालक, माली लगायत) छन् ।
किताबखानाको रेकर्ड अनुसार सुरुदेखि अहिलेसम्म १६ हजार १९३ कर्मचारीहरूले जागिर अवधि बाँकी रहँदै राजीनामा बुझाएका छन् । निजामती सेवा ऐन २०४९ मा ५८ वर्ष उमेर पूरा भएपछि सरकारी कर्मचारीहरूले सेवाबाट अनिवार्य अवकाश पाउने व्यवस्था छ ।
