काठमाडौँ । त्रिभुवन अन्तराष्ट्रिय विमानस्थल सञ्चालनमा आएको छ । काठमाडौँबाट पोखरा जाने क्रममा सौर्य एयरलाइन्सको ९ एन–एएमई/सीआरजे २०० कलसाइनको जहाज दुर्घटना भएपछि केही बेरका लागि बन्द भएको विमानस्थल पुनः सञ्चालनमा आएको हो ।

दुर्घटना भएको सौर्य एयरलाइन्सको जहाजमा सवार १८ जनाको भने मृत्यु पुष्टी भएको छ ।

जहाजका क्याप्टेन ३७ वर्षीय मनीष शाक्यको जीवितै उद्धार गरिएको थियो । उनको टाउको चोट लागेको भए पनि अवस्था भने खतरामुक्त रहेको अस्पताल स्रोतले बताएका छ । हाल शाक्यको केएमसी अस्पतालमा उपचार भइरहेको छ ।

दुर्घटनामा परेका सबैजना सौर्य एयरलाइन्सका कर्मचारी रहेको खुलेको छ । जहाज मर्मतका लागि पोखरा लगिँदै थियो ।