काठमाडौँ । अमेरिकाले फेरी ७५ जना नेपालीलाई देश निकाला गरेको छ । अमेरिकामा अवैध रुपमा बस्दै आएका र कानूनको पालना नगरेका ७५ जना नेपालीलाई अमेरिकाले देश निकाला गरेको हो । 

अमेरिकाबाट देश निकालामा परेका ७५ जना नेपालीमध्ये ७२ जना पुरुष र ३ जना महिला छन् । 

देश निकालामा परेका ७५ जनामध्ये अधिकांश अवैध बाटो हुँदै अमेरिका पुगेकाहरु रहेको पाइएको छ । दुई जना भने भिजिट भिसामा गएर उतै बसेकाहरु छन् । त्यस्तै, ३० वर्षदेखि अमेरिका बस्दै आएका तर पीआर कार्ड नवीकरण नभएका एक व्यक्ति पनि डिपोर्ट भएका छन् । 

यसरी अमेरिकाबाट देश निकालामा परेकाहरुलाई चार्टर्ड विमानमार्फत काठमाडौँको त्रिभुवन अन्तराष्ट्रिय विमानस्थलमा ल्याएर छोडिएको छ ।