काठमाडौँ । भारतीस सहयोगमा झापाको गौरादह गाउँपालिका-१ मा जनता माध्यामिक विद्यालयको भवन निर्माण गरिने भएको छ । 

भारतको ५.८ करोड रुपैयाँ बराबरको आर्थिक सहयोगमा उक्त विद्यालयको भवन निर्माण गर्न लागिएको हो । उक्त भवनको कोशी प्रदेशका मुख्यमन्त्री हिक्मत कुमार कार्की, भारतीय राजदूतावासका काउन्सलर गीतांजली ब्रैंडन र गौरादह नगरपालिकाका मेयर छत्रपति सुवेदीले संयुक्त रुपमा शिलान्यास गरेका छन् । 

भारतीय राजदूतावासका अनुसार उक्त विद्यालयका भवन निर्माणको काम उच्च प्रभाव सामुदायिक विकास परियोजना झापाको गौरादह नगरपालिकामार्फत कार्यान्वयन गरिनेछ ।

भवन शिलान्यास गर्दै कोशी प्रदेशका मुख्यमन्त्री, गौरादहका मेयर लगायतले भवन निर्माणमा सहयोग गरेको भन्दै भारत सरकारलाई धन्यवाद दिएका छन् । त्यस्तै, उक्त भवन निर्माण हुँदा विद्यार्थी र शिक्षकलाई सिकाइको वातावरण सुदृढ बनाउन मद्दत पुग्ने पनि विश्वास व्यक्त गरिएको छ ।