• सुरज प्याकुरेल 

काठमाडौँ – ओप्पो एफथ्री, जताततै ठूला ठुला प्रचार हेरेपछि मलाईपनि यो मोबाइल किन्न मन लाग्यो । पत्रकार भएका कारण एसो कतै फोटो खिच्नुपर्यो भनेपनि राम्रो फोटो आउँछ भन्ने मोबाइल पसलका कर्मचारीको कुराले म कन्भिन्स भएँ । यसैपनि सेल्फी खिच्न अलि बढी नै मन पराउने मलाई ओप्पोले गरेको ‘सेल्फी एक्स्पर्ट’ भन्ने नारालेपनि तानीरहेको थियो । मोबाइलपनि चाहिएका बेला म न्यूरोडका पसलहरुमा ओप्पोको एफ थ्री किन्न भनी गएँ । र २०७४ साल जेठ ६ गते म काम गरिरहेको कम्पनी शुभम् मिडिया प्रालिका नाममा ३३९०० रुपैयाँ तिरेर ओप्पो किनें । 

प्रचार गरिएजस्तो छैन है ओप्पो !

तर जव केहि दिन ओप्पो चलाउन थालें, मोबाइल खासमा प्रचार गरिएको जस्तो केहिपनि लागेन । सेल्फी एक्स्पर्ट भनिएपनि यो मोबाइलको सेल्फी प्रचार गरिएकोजस्तो राम्रो आउने रहेनछ । अरु पूराना मोबाइलको तुलनामा राम्रो सेल्फी आउने भएपनि बजारमा चलेका अरु नयाँ खालका मोबाइलभन्दा यसमा केहि फरक वा नयाँ रहेनछ । पसलका कर्मचारीले १५ मिनेट लगाएर ओप्पोको बारेमा गरेको बयान त समान बिकाउने मेलोमात्र रहेछ । यसको ब्याक क्यामरा त झन् झुर नै रहेछ । कुनै कार्यक्रममा जाँदा ओप्पोले फोटो खिचियो भने त समाचारमा हाल्नपनि लाज नै हुने पो आउँदो रहेछ । उक्त क्यामराले मैले खिचेका केहि तस्विरहरु तल छन् । ओप्पोले जतिनै सेल्फी एक्स्पर्ट भनेपनि अलिकति मात्र ‘लाइट’ हुँदापनि ओप्पोमा सेल्फी झुर नै आउने रहेछ । अन्य फोटो खिच्दापनि मोबाइलमा रहेका अन्य एप्लीकेसनहरु प्रयोग गरेर मात्र राम्रो फोटो आउँदो रहेछ ।

सुरक्षित पनि छैन ओप्पो !

ओप्पोको एफथ्री सुरक्षित पनि लागेन । मोबाइलमा आधाघण्टा जसो निरन्तर कुराकानी गर्यो भने मोबाइल बेस्सरी तात्ने समस्या रहेछ । केहि समय अगाडी अन्य केहि मोबाइलहरु यसरी तातेपछि पढ़किएको भन्ने खबर सुनेको थिएँ । मलाइ त ओप्पोदेखि नै डर लाग्यो । मैले विदेशमा रिजेक्ट भएका ओप्पो मोबाइलहरु नेपाल आउँछन् र नेपाल भित्रिएका ओप्पो र बाहिरका ओप्पोको गुणस्तरमै समस्या हुन्छ भन्ने पनि सुनेको थिएँ । ओप्पोकै कारोबार गर्ने एक साथीले मलाइ त्यस्तो भन्दा मैले पत्याएको थिईन । उसले पनि ३३९०० हालेर उक्त मोबाइल नकिन्न भनेको थियो । अहिले पछुतो लागिरहेको छ । मोबाइलको अगाडीको डिस्प्लेमा लाग्ने ग्लांस आएको छैन भनिएको थियो । ग्लास नहाल्दा थोरै केहिले छोयो भनेपनि स्क्र्याच हुने र पछि त्यसलाई बनाउनपनि नमिल्ने रहेछ । मोबाइल किनेको १ महिना पुगेको छैन, घरी घरी ह्यांग हुने, घरी घरी आफैं अफ हुने समस्या देखिएको छ । अलि बढी फोनमा कुरा गरियो भने ओप्पोमा यस्तो समस्या आउँदो रहेछ । केहि मोबाइल पसल संचालकहरुले मलाइ यहि भन्नुभयो ।

आफैंलाई ३३९०० तिरेको ठिक लागेन्, नकिन्न सल्लाह दिन्छु !

नयाँ केहि छैन, राम्रोपनि केहि छैन । भड्किलो प्रचार गरिएकै भरमा ओप्पोमा ३३९०० रुपैयाँ पैसा हालेको म आफैंलाई पछुतो लागिरहेको छ । ओप्पोमा किनेको ३० दिन नपुग्दै अनेकौं समस्या देखिएपछी म अन्य मोबाइलहरुबारेपनि बुझ्न गएँ । बजारमा सस्ता तर निकै राम्रा मोबाइलहरुपनि पाइने रहेछन् । बेकारको भड्किलो प्रचारले म जस्ता धेरै मोबाइलप्रयोगकर्ताहरु ओप्पोमा फसेका रहेछन् । ओप्पोले जति नै गफ दिएपनि मोबाइलमा त्यस्तो नयाँ केहिपनि रहेनछ । हुन त कुन मोबाइल किन्ने वा नकिन्ने भन्ने कुरा आफैंमा भर पर्ने कुरा हो । तर म चाहिं मेरा साथीहरुलाई ओप्पो एफथ्री नकिन्ने सल्लाह दिन्छु । तपाईंलाई कस्तो लाग्यो कुन्नि, थाहा छैन तर मलाइचाहिं ओप्पो एफथ्री किनेर ३३९०० खोलामै बगाएछु जस्तो लाग्यो । ३० दिनसम्म फिर्ता गर्न पाइने भन्ने सुनेको छु । ओप्पो फिर्ता गर्ने प्रयासमा छु ।

(सुरज प्याकुरेल अर्थ सरोकार डटकमका प्रधान सम्पादक हुन्)


यो पनि पढ्नुहोस् !

• पिरोल्न थाल्यो ओप्पोले : कहिले आफैं ‘अफ’ हुन्छ, डबल सिम राख्दा ह्यांङ हुन्छ, ब्याट्री टिक्दै टिक्दैन ! (फलोअप नम्बर ३)
• टेक रिभ्यू : F3plus मोडलका नाममा सोझा नेपाली ठग्दै ओप्पो ! महँगोमा बेचिंदैछ समस्याग्रस्त मोबाइल सेट !
• क्यान इन्फोटेक विशेष १ : जव ओप्पो मोबाइलको स्टलमा जनता ठगेको गुनासो पोखियो…
• ‘ओप्पो’ ब्राण्डको मोबाइल किन्दै हुनुहुन्छ ? एकछिन पर्खनुहोस् !