आज देशभर जनै पुर्णिमा मनाइने क्रम जारी छ । विशेषगरी पशुपति, ललितपुरको कुम्भेवश्वर, पाटन दरवार क्षेत्रको कृष्णमन्दिर, हनुमानढोकामा रहेको महेन्द्रश्वरमहादेव, मरुगणेशस्थान आदि मन्दिरमा भक्तजनहरुको ठुलो भीड लागेको छ ।  आज बाँधिएको पवित्र धागो तिहारमा लक्ष्मीपूजाको दिनमा गाईको पुच्छरमा बाँधिदिने चलन छ ।

यस्तो छ किम्बदन्ती :

प्राचीनकालमा दैत्यराज बलिको विशिष्ठ दानशीलदेखी डराएका भगवान बिष्णुले वामन रुप धारण गरी उनलाई वाचाबन्धन गराई सम्पूर्ण राज्य हड्पी उनलाई पाता फर्काई पाताल लोकमा पठाएको पुराणमा उल्लेख छ ।तागाधारीहरुले यसैदिन ब्रह्मा, बिष्णु र महेश्वरको साथै देव, ऋषि र पितृऋणको प्रतिकको रुपमा ३/३ डोरोका जनै गायत्री मन्त्र जपेर लाउने गरिन्छ । यस दिन उनीहरुले सप्तऋषिलाई तर्पण दिने भएकाले यस पर्वलाई ऋषितर्पणी पनि भन्ने गर्दछ । यस लाई उपाकर्म पनि भनने गर्दछ ।तराईतिर भने यस पर्वमा दीदी बहिनीहरुले आफ्नी दाजुभाइलाई नाडीको ‘राखी’ नामक धागो बाँधिदिन चलन छ ।

अर्थ सरोकार डटकमका तर्फबाट पनि सबैलाई जनैपूर्णिमाको शुभकामना ।