काठमाडौँ – बिजय कुमार गक्षदारले सात करोडको बंगला किनेका छन् । सुशिल कोइराला नेतृत्वको सरकारमा अर्थमन्त्री  रहेका रामशरण महतले वूढानिलकण्ठमा १८ करोडमा वंगला बनाउदै गरेको खबर सेलाउन नपाउदै विजय गच्छदारले समेत त्यही क्षेत्रमा ७ करोडमा बंगला खरिद गरेको खबर प्राप्त भएको छ ।

बिगत लामो समयदेखि मन्त्री हुँदै आएका उनी वावुराम भट्टराई प्रधानमन्त्री हुँदा उपप्रधान सहित गृह मन्त्रालय लिएका उनी केपी ओलीको मन्त्रीमण्डलमा भौतिक योजना मन्त्री रहे । प्रहरीहरुको सरुवा वढुवामा राम्रै शूभलाभ हात पारेको चर्चामा समेत नाम मुछिएका उनले भौतिक योजना मन्त्रालय जस्तो मालदार मन्त्रालय हातमा लिएर यताबाट समेत राम्रै रकम आर्जन गरेको चर्चा चलेको थियो । 

यही रकमलाई तह लाउने उद्धेश्यका खातिर काठमाडौंको वूढानिलकण्ठमा सात करोड बराबरको वंगला गोप्य रुपमा अरुकै नाममा खरिद  गरेको स्रोतको दावी छ ।

ओली सरकारमा बसेको ६ महिनामै बुढानिलकण्ठ नगरपालीका वडा १० मण्डिखाटारस्थित  सुशील शम्सेर राणा (सुशिल राजा)को घर र २७ आना जग्गा पहिला खुमबहादुर खड्काले बेचेको रु ७ करोडमा कसैको गुप्त नाममा खरीद गर्न सफल भएको बुझिएको छ । सुशिल पूर्व गृह सचिव समेत हुन । यसरी पूर्व गृहसचिवको घर अन्तत घुमिफिरी पूर्व गृहमन्त्रीको हातमा आइपुगेको स्रोतको दावी छ ।

सो भब्य महलमा अहिले सशस्त्रप्रहरीले २४ सै घण्टा पहरा दिइरहेको छ । हरेक नयाँ सरकार बन्दा मन्त्री, उपप्रधामन्त्री बन्नै पर्ने  प्रशस्तै विकास बजेट भएको मन्त्रालय नै चाहिने गच्छदारले अब बन्ने सरकारमा भने भाग नपाउने भएका छन् ।

छोरा सुवासको धुमधामसंग बिहे गरेका उनले काठमाण्डौं नयाँबानेश्वरकी यूवती सृष्टि कार्कीलाई बुहारी बनाएर घरमा भित्राएका थिए । गत साउन १ गते  भद्रकालीस्थित सैनिक मुख्यालयभित्र रहेको त्रिभुवन आर्मी अफिसर्सक्लवमा गच्छदारले झण्डै चार हजारलाई बोलाएर भोजदिएका थिए । भोजका एक करोड रुपैंया भन्दा धेरैको खर्च गर्दै महंगा विदेशी रक्सी इच्छाअनुसारको कक्टेल दिएका थिए ।

स्मरण रहोस,विजय गच्छदारले नाता जोडेका विनयध्वज कार्की अख्तियार प्रमुख लोकमान सिंह कार्कीका आफन्त समेत हुन ।