एमाले अध्यक्ष केपी ओलीले आफूले फोटो टास्नका लागि मात्रै प्रधानमन्त्रीको रुपमा उम्मेद्वारी नदिएको बताएका छन् ।
आजको संसद बैठकलाई सम्बोधन गर्दै ओलीले राखेको धाराणाको मुख्य अंश

हामी लोकतान्त्रिक प्रणालीमा छौँ । कठिनाईका बाबजुद अधिकतम सहमतिका साथ संविधान जारी गर्र्यौ । लामो समयदेखि जनताले गरेको प्रयास र सपनालाई सार्थकता दिने काममा मैलेँ अधिकतम सहमतिका लागि प्रयास गरेको थिएँ ।
राजनैतिक दलहरुका बीचमा खासगरी प्रमुख दलहरुका बीचमा केही सहमति र समझदारी भएका थिए । गत वर्ष संविधानसभाको निर्वाचनपछि नेपाली कांग्रेसका सभापति सुशिल कोइरालाको नेतृत्वमा सरकार गठन गर्दा र पछि १६ बुदेँ सहमति गर्दा केही प्रतिवद्धता व्यक्त भएका थिए । राजनीतिकमा हाम्रा प्रतिवद्धता, हाम्रा सहमति र हाम्रा कुराहरुको धेरै महत्व हुन्छ , अझै लोकतन्त्रमा धेरै महत्व हुन्छ । त्यसतर्फ ध्यानाकर्षण गराउँछु । मैलेँ प्रधानमन्त्री पदका लागि उमेद्वारी दिएको छु । विभिन्न पार्टीको प्रस्ताव र समर्थनका साथ उमेद्वारी दिएको छु । तर कता कता अफ्टेरो लागेको छ । नेपाल कांग्रेसको नेतृत्वमा हामी सरकारमा रह्यौँ र गत वर्ष सरकार बन्दा म समर्थनमा बसेको थिएँ । आज नेपाली कांग्रेस प्रस्तावक र समर्थक नहुदाँ कसो कसो लागेको छ । म आफ्नो तर्फबाट र मेरो दलका तर्फबाट आग्रह गर्न चाहन्छु । हामी सहमतिका साथ नै देशलाई अगाडी बढाउन चाहन्छौँ । हामीले संविधान जारी गर्यौ । त्यसको प्रभावकारी कार्यान्वयन गर्नुपर्नेछ । १ सय भन्दा बढी कानून निमार्ण गर्नुपर्ने छ । ३ सय भन्दा बढी पुरानै कानूनका ठाउँमा संशोधन गर्नुपर्नेछ । देशका विभिन्न भागमा विभिन्न समूदायका असन्तुष्टी र माग कायम छ । त्यसलाई सम्बोधन गर्नुपर्ने छ । अर्कातर्फ केही महिनाअघिको भूकम्पले नेपाललाई पुरै असहज स्थितीमा पुर्याएको छ । त्यसलाई हामीले पुर्ननिर्माण गर्नुपर्ने आवश्यकता छ । त्यो मात्रै होइन देशलाई हामीले अब हाम्रो गरिबी, बेरोजगारी हटाउनुछ । हाम्रा जनताका सपनाहरुलाई समृद्धीलाई सफल पार्नु छ । स्वच्छ पारदर्शी प्रभावकारी सरकार बनाउनुछ चलाउनु छ । हामीले हाम्रा प्राकृतिक स्रोत र साधान समेत उपयोग गरेर देशलाई अगाडी बढानुछ । आधूनिक कृषी र उद्योगलाई अगाडी बढाउनुछ । बाह्य लगानी आर्कषित हुने वातावरण बनाउनुछ । हाम्रा नयाँ सुरक्षित बस्ती विकास गर्नुपर्ने छ । अर्को तिर व्यापार वृद्धी गर्नुपर्ने छ । थुप्रै कामहरु हाम्रा अगाडी छन् । पर्यटन क्षेत्र, सेवाको क्षेत्रलाई अगाडी बढाउनुछ । अर्को कुरा हामीलाई थाहा छ , हाम्रो अहिलेको अवस्थामा छिमेकसँग असझदारीका केही लक्षण देखिएका छन् । त्यसले केही आपूर्तिमा असहजता देखिएको छ । त्यसलाई हटाउनु छ । त्यसका लागि स्वभाविक रुपमा राष्टिय एकता, दलहरुका बीचमा , जनताका प्रतिनिधिका बीचमा एकता र सहमति कायम गरेर राष्टिय एकता र भावनाका साथ अगाडी बढ्नुछ । समाजमा कताकता सामाजिक सद्भाव खलबलिने समस्या देखिएका छन् । त्यसलाई हटाउनु जरुरी छ । समृद्धीको बाटो हामी अगाडी बढ्नु छ । यि सबै कामका लागि हामी एकजुट भएर जान जरुरी छ । त्यसैले मैलेँ विगतका पृष्ठभूमि स्मरण गराइ रहनुपर्छ जस्तो लाग्दैन । विगतका पृष्ठभूमी सबैलाई थाहा छ । एकताका लािग एमालेले गरेको योगदान स्मरण गराइराख्नु पर्दैन होला । यस्तो परिस्थितीमा पनि हामीले एकतावद्ध भएर अघि बढ्न जरुरी छ । अहिले पनि आग्रह गर्न चाहन्छु , मैलेँ भन्न मिल्न हो कि होइन थाहा छैन् । प्रधानमन्त्री सुशिल कोइराला जी, नेपाली कांग्रेसका सभापति,  उहाँलाई हाम्रो दलले समर्थन गरेर उहाँले राजीनामा नगर्दासम्म उहाँलाई हामीले थुप्रै असहज स्थितीमा पनि समर्थन गरिरह्यौ । अहिले उहाँले स्वेच्छाले राजीनामा गर्नुभयो । त्यसअघि हामीले समर्थन गरिरह्यौ । हाम्राबीच केही सहमति पनि भएका थिए । मैलेँ सबै दललाई मिलाएर , सबै दलको भावना बुझेर सहमति कसरी जोड्न सकिन्छ , त्यस विषयमा ध्यान दिएर नै मनोनयन दर्ता गरेको हुँ । मैलेँ जानकारी पाएको छु , कांग्रेस सभापति सुशिल कोइरालाले पनि उमेद्वारी दर्ता गर्नुभएको छ । आग्रह गर्छु , उमेद्वारी फिर्ता लिनुहोस् म आभारी हनेछ । नेपाल कांग्रेस भित्रैका थुप्रै सभासद् सहमतिको पक्षमा हुनुहुन्छ , नेपाली कांग्रेसका सभापतिलाई त्यो भावना बुझिदिनुस् भन्न चाहन्छु । नेपाली कांग्रेसका सभापतिले उमेद्वारी फिर्ता नलिदाँ पनि मिलेर जाने प्रश्नमा , जनता हक अधिकार, राष्टियता, लोकतन्त्र , राष्टिय एकता र समृद्धी, संविधानको कार्यान्वयन होस् वा नेपाली जनता जायज माग र आन्दोलन सम्बोधन गर्ने विषयमा नेपाली कांग्रेसको मलाई साथ हुनेछ र त्यस कुरालाई ध्यानमा राखेर नेपाली कांग्रेसलाई साथ लिएर , सम्मानजनक व्यवहार गरेर अघि बढ्ने जानकारी गराउन चाहन्छु । अन्य पार्टी जसले मलाई समर्थन र प्रस्ताव गर्नुभएको छ , उहाँहरुलाई पनि धन्यवाद दिन चाहन्छु ।

एउटा भ्रम छ , मेरै बारेमा पनि थारु विरोधी, असहिष्णु, संर्कीण, मधेस विरोधी धेरै भ्रम फैलाइएको छ । म भन्न चाहन्छु, सभामूख महोदय यि भ्रमहरुलाई म व्यवहारबाट समाप्त पार्नेछु । हिमाल पहाड तराई, पूर्व पश्चिम, मधेसी थारु जनजाति, उत्पिडित , अल्पसंख्य मूसलमान र अरु कुनै पनि समूदाय सबै नेपालका दाजूभाई दिदीबहिनी हुन् र नेपालका दाजूभाई दिदीबहिनीका सबै समस्या समाधान गरिनुपर्छ र ति समस्या समाधान गर्नकै लागि मैले उमेद्वारी दर्ता गरेको हुँ । फोटो टाँस्नका लगि वा यो पदमा बसेको भन्नका लागि उमेद्वारी दर्ता गरेको होइन । अहिले भ्रम छ तराई मधेसतिर केपि ओली आयो भने यस्तो हुन्छ उस्तो हुन्छ । तर म भन्न चाहन्छु सबै जनताका जायज माग सम्बोधन गरिनेछ र त्यसको अगुवाई म गर्नेछु । भूकम्पले आक्रान्त देशलाई कुनै शिथिलताका साथ होइन तिव्रताका साथ पुननिर्माणको कामलाई निरन्तरता दिइनेछ ।
– See more at: http://www.ratopati.com/news/8400/#sthash.7H9ACp84.dpuf