आइतबार अध्यक्ष यादव विराटनगरस्थित जोगवनी नाकामा मधेसी मोर्चाका कार्यकर्तासँगै धर्नामा बसेका थिए । सोहीसमय वरिष्ठ नेता अशोक राई इलाममा लिम्बुवान संघर्ष समितिले आयोजना गरेको ¥याली र सभामा प्रमुख अतिथि थिए ।
मधेसी मोर्चाले जोगवनी नाकामा लगाएको नारामा पूर्वको झापादेखि पश्चिमको कञ्चनपुरसम्म दुई प्रदेश मधेस र थारुको हुनु पर्ने नारा लगाएका थिए । उता इलाममा लिम्बुवानले अरुणपारिका ९ जिल्ला झापा, मोरङ, सुनसरीसहित लिम्बुवान नभए संविधान नमान्ने बताउँदै थिए । दुई परस्परविरोधी विचारमा एउटै पार्टीका दुई प्रमुख नेताको नेतृत्वले मत बाझिएको देखिएको हो ।
उपेन्द्र यादवको मोर्चाले झापा, मोरङ र सुनसरीसहित चितवनसम्म मधेस प्रदेश हुनुपर्ने माग उठाइरहेको छ । लिम्बुवान झापा, मोरङ, सुनसरीसहित अरुणपारिका ९ जिल्ला लिम्बुवान नभए कुनै हालतमा नमान्ने भन्दै आन्दोलन चर्काउने बताउँदै आएका छन् । उपेन्द्र र अशोकको पार्टी संघीय समाजवादी फोरममा मत बाझिएको प्रष्ट देखिएको छ । उनीहरुको मत बाझिएको कुरा बाहिर आएको छैन । पार्टीभित्र उनीहरुको मत बाझिएको होइन भने उनीहरु दोहोरो खेल खेलिरहेको प्रष्ट बुझ्नु पर्ने हुन्छ ।
उनीहरुले जानाजान यस्तो खेल खेलेका हुन् भने यो लिम्बुवान र मधेसी मोर्चा दुवैको लागि धोका हो । त्योभन्दा बढी राष्ट्रिय बेइमानी हो । यसले उनीहरु देशमा अस्थिरता मच्चाउन लागि परेको प्रष्ट हुन्छ । मधेसी मोर्चा तथा लिम्बुवानी आन्दोलनकारीले संघीय समाजवादीको यो दोहोरो भूमिकाबारे जानकार भएरै आन्दोलनको नेता बनाएका हुन् भने आम नेपालीले बुझ्नु पर्ने हुन्छ । यो आन्दोलन कुनै अधिकारका लागि होइन । विदेशीको पैसामा बिकेर देशमा अस्थिरता मच्चाउनलाई केही योजनावद्ध रुपमा लागेका छन् ।
– See more at: http://www.nepalese.org/article/2015/09/28/27578/#sthash.4B0pIDuL.dpuf
