आइतबार सबेरै ललितपुरको महालक्ष्मीस्थान चोक, पुल्चोक र रबिभवनमा बम फेला परेको छ । महालक्ष्मीस्थान चोकमा बम फेला परेको खबर फैलिएपछि बिहानैदेखि आसपासको क्षेत्रमा आवतजावतमा रोक लगाइएको थियो ।
महालक्ष्मीस्थानको बम करिब एकघण्टापछि सवा ६ बजेतिर सेनाले डिस्पोज गरेको हो । डिस्पोजल गर्ने क्रममा ठूलो आवाज आएको थियो । बमसंगै नेकपा माओवादीको पर्चा समेत फेला परेको छ । यता पुल्चोक र काठमाडौँको रबिभवनमा पनि बम भेटिएको छ । दुवै बम सेनाको डिस्पोजल टोलीले डिस्पोज गरको छ ।
