पति तथा अभिनेता श्रीकृष्ण श्रेष्ठको निधनको शोकले अझै राम्रोसँग सामाजिक जीवनमा फर्किन नसकेकी अभिनेत्री श्वेता खड्कालाई फेरि अर्को शोक परेको छ । श्रीकृष्णको निधन भएको ठीक वर्षदिनपछि उनकी आमाको पनि निधन भएको छ । श्रीकी आमा तथा श्वेताकी ८८ वर्षिया सासु जगतकुमारी श्रेष्ठको बुधवार निधन भएको हो ।

छोराको निधनपछि अत्यन्तै चिन्तित अवस्थामा रहेकी जगत कुमारीलाई नियमित उपचारका लागि मंगलबार चावहिलको ओम अस्पताल र्पुयाइएको थियो । उपचारका क्रममा उनको अस्पतामा निधन भएको हो । उनको पार्थिव शरीरको बुधवार नै अन्तिम दाह संस्कार गरिउको छ । आर्यघाटमा श्रीकृष्ण श्रेष्ठकी धर्मपत्नी तथा अभिनेत्री स्वेता खड्कासँगै जगतकुमारीका छोराहरू तथा आफन्तहरू र केहि फिल्मकर्मी मलामीको रूपमा उपस्थित थिए ।