काठमाडौं । विभिन्न बैंक तथा वित्तीय संस्थाको नाफा सार्वजनिक भईरहेका बेला नेपाल बंगलादेश बैंकले गत आर्थिक वर्षमा पाँच करोड नाफा बढाएको खबर छ । बैंकले एक वर्षमा ७९ करोड रुपैयाँ खुद नाफा कमाएको बताइएको छ । अघिल्लो आर्थिक वर्षमा बैंकको खुद नाफा ७४ करोड रुपैयाँ थियो । यसैगरी बैंकले खुद व्याज आम्दानी निकै बढाएको छ  भने  व्याज आम्दानी  २३ करोड ७७ करोड बढेको छ । गत आर्थिक वर्षमा बैंकले एक अर्ब नौ करोड रुपैयाँ व्याज आम्दानी गरको छ । बैंकले अघिल्लो वर्ष भने ८५ करोड २५ लाख रुपैयाँ व्याज आम्दानी गरेको थियो ।

बैंकले गत आर्थिक वर्षमा नोक्सानी व्यवस्थाका लागि छुट्याएको मध्ये ११ करोड रुपैयाँ राइट व्याक गरेको  बताइएको छ । बैंकले यो वर्ष नोक्सानी व्यवस्थाका लागि सात करोड ७५ लाख रुपैयाँ संभावित नोक्सानका लागि प्रोभिजन गरेको छ । अन्य सञ्चालन खर्च केही थपिएको छ  भने बैंकले गर्ने खर्च मध्ये कर्मचारी खर्च र बोनस र कर पनि बढेको छ । व्याज खर्च नौ करोड रुपैयाँ बढेको छ । 

औतस स्प्रेड दर ४.४३ प्रतिसत रहेको बैंकको खराव कर्जाको मात्रा १.३२ प्रतिसत मात्रै रहेको छ  भने  बैंकले निक्षेप आठ अर्ब रुपैयाँ र कर्जा लगानी ६ अर्ब रुपैयाँ बढाएको छ ।