काठमाडौँ – काठमाडौँ निवासी सुमन सिग्देल, जसले केहि दिन अगाडी नेपाल टेलिकमको रिचार्ज कार्ड किने । रु १०० को रिचार्ज कार्ड । सिरियल नम्बर १११६०६०१२२०३२८७५ रहेको उक्त कार्डबाट उनले थुप्रै पटक रिचार्ज गर्न खोजे तर रिचार्ज भएन । त्यपछि उनी रिचार्ज पसलमा गएर कार्डमा समस्या भएको सुनाउँदा, पसल संचालकले भने, ‘इसेवा बाट गर्नुहोस् न !’

इसेवा नेपालको कानुन विपरित चलिरहेको भन्ने समाचार आफुले पढेको र सच्चा नेपालीले इसेवा बहिस्कार गर्नुपर्ने भन्दै उनले त्यसो गर्न मानेनन् । रिचार्ज कार्डमा समस्या भएको हो कि भन्ने ठानेर पुन: अर्को रिचार्ज कार्ड किने तर त्यसमा पनि त्यस्तै समस्या देखियो । बल्ल बल्ल दोश्रो पटक किनेको रिचार्ज कार्डमा रिचार्ज भयो । पहिलो कार्ड अझै सुरक्षित छ ।

उनीमात्र होइन नेपालमा यसरी रिचार्ज कार्डको समस्या भोग्ने नेपाली थुप्रै छन् । कतिपटक तपाईंले पनि भोग्नु भएको होला । अझ कतिपटक त नेपाल टेलिकमलाई गाली पनि गर्नुभएको होला । तर यसमा नेपाल टेलिकममात्र दोषी होइन । टेलिकमका ठुला ठालुले इसेवासँग मिलेर जनता ठग्ने काइदा हो यो । 

हिजोआज तपाईंले नेपाल टेलिकमको रिचार्ज कार्ड ल्याएर रिचार्ज गर्न थाल्नु भयो भने यस्तो झमेला हुन्छ मानिलिउं तपाईं कुनै युद्ध गर्दै हुनुहुन्छ । अधिकांस रिचार कार्डमा समस्या छ । एक पटकमा रिचार्ज भइहाल्यो भने मान्नुहोस्, त्यो दिनका लागि तपाईंको दिन सार्है राम्रो छ । रिचार्ज कार्ड रिचार्ज नहुँदा नेपाल टेलिकमलाई मात्र गाली नगर्नुहोस् । किनकि यसभित्रको रहस्य छुट्टै छ ।

नेपाललाई डिजीटलाइज गर्ने बहानामा नेपाल टेलिकम र इसेवा बीच ठुलो रकमको चलखेल रहेको स्रोतको दावी छ । स्रोत भन्छ, ‘इसेवाका अध्यक्ष विश्वास ढकाल, सीइओ अगसर अली र नेपाल टेलिकमका प्रबन्ध निर्देशक र त्यहाँका केहि इन्जिनियरहरुको मिलेमतोमा कुनै प्राइभेट कम्पनीलाई उकासेर नेपाल टेलिकम नै धरासायी बनाउने खेलमा लागिएको छ ।’ स्रोतका अनुसार टेलिकम र इसेवा सञ्चालक कम्पनी इसेवा फोन पे इन्टरनेश्नल प्रालि नामक कम्पनीबीचको रकम चलखेलका कारण नेपाली जनता मारमा परेका छन् । यसअघिका टेलिकमका प्रबन्ध निर्देशक बुद्धि प्रसाद आचार्यलाइ इसेवाका तर्फबाट रार्मो इनाम गएको थियो । अहिलेकि प्रबन्ध निर्देशकलाइ पनि मोटो रकम दिने तयारी भइरहेको छ ।’

स्रोतका अनुसार नेपाल टेलिकमका केहि उच्च अधिकारीलाई इसेवाका तर्फबाट निकै मोटो रकम दिएर देशमा यस्तो खेल भइरहेको छ । अझ दुखलाग्दो कुरा त के हो भने नेपाल टेलिकमकै कतिपय आधिकारिक ठाउँबाट समेत इसेवा प्रयोग गरी रिचार्ज गरिने गरेको छ ।’

यसबारे केहि समयअघि अर्थ सरोकार डटकमले इसेवाका प्रमुख कार्यकारी अधिकृत अगसर अलीसँग सोधेको थियो । जवाफमा उनले इसेवाले जनता नठगेको र रिचार्जमा हुने गरेको समस्या नेटवर्कको कारण हुने गरेको बताएका छन् । उनले आफुहरु समयसापेक्ष रुपमा रिचार्जकार्ड हटाएर डिजीटल रिचार्ज प्रविधिमा देश जानुपर्ने भन्ने कुरामा ध्यान दिएर अगाडी बढेको बताएका थिए । उनले नेपाल टेलिकम र आफुबीच कुनै पनि असान्दर्भिक सम्बन्ध नरहेक समेत दावी गरेका थिए ।

यसबारे नेपाल टेलिकमकी प्रवक्ता प्रतिमा वैद्यलाई हामीले सोधेका थियौं । उनले ‘इसेवा भनेको के हो ?’ भनी गैरजिम्मेवारपूर्ण अभिव्यक्ति दिइन् । हामीले इसेवा भनेको ‘यस्तो’ हो भनेर बुझाएपछि उनले भनिन्, ‘काउन्टरमा होइन बाहिर मेसिन राखेको होला ।’ टेलिकमकि प्रवक्ताले इसेवा भनेको के हो भनेर सोध्नु र इसेवाबारे प्रश्न गर्दा यस्तो गैरजिम्मेवारपूर्ण अभिव्यक्ति दिनुलाइ टेलिकम र इसेवाबीच के पाकिरहेको छ भन्ने बुझ्न गाह्रो छैन ।

• नेपाल टेलिकमको रिचार्च कार्डबाट रिचार्च भएन ? टेलिकमलाई मात्र गाली नगर्नुहोस्, यस्तो छ रिचार्ज नहुनुको भित्री रहस्य  :
• इसेवाको अर्को कर्तुत : विनीमय दरमै धावा बोल्दै सोमबार यसरी ठग्यो आफ्ना ग्राहक ! (फलोअप नम्बर ११)
• इसेवा काण्ड थामथुम पार्ने प्रयास, राष्ट्र बैंकले दियो निर्देशन: ‘परिचय नखुलाई ५०० रुपैयाँ बढीको कारोबार नगर्नु’ (फलोअप नम्बर १०)
• रोकिएन इसेवाका नाममा भइरहेको ‘लुट धन्दा’, इसेवाको नियम भन्दै यसरी हुन्छ मनपरी रकम असुली ! भईरहेछ लाखौंको कर छली (फलोअप नम्बर ९)
• एक्सक्लुसिभ : यस्तो रहेछ गैरकानुनी धन्दा चलाउने इसेवाले अर्को कम्पनी खोल्नुको भित्री रहस्य (फलोअप नम्बर ८)

• नझुकिनुहोस् है ! इसेवाको पैसा केन्द्रीय बैंकमा छैन, तपाईंलाइ यसरी ‘बेवकुफ’ बनाइंदैछ (फलोअप नं. ७)

• इ-सेवाको अर्को दादागिरी : राष्ट्र बैंकको नियम विपरित विनिमय दरमै ‘गडबडी’ गरी जनताको लाखौँ रुपैयाँ ठग्दै ! (फलोअप नम्बर ६)

• ‘गैरकानुनी धन्दा’ चलाइरहेको भन्दै इ सेवाविरुद्ध अख्तियारमा उजुरी ! (फलोअप नम्बर ५)

• गैरकानुनी धन्दाबारे समाचार आएपछि इसेवामा हंगामा!, आन्तरिक राजश्व विभागदेखि अख्तियारसम्म हुँदैछ यस्तो तयारी ! (फलोअप नं ४)

• एक्स्क्लुसिभ : बर्षौंदेखि इ-सेवाले चलाईरहेछ ‘गैरकानुनी धन्दा’ ! जनताको करोडौं रुपैयाँ जोखिममा ! (फलोअप नम्बर १)

• इ-सेवाका नाममा अर्को लुट :  ५००० ‘ट्रान्सफर’ गर्दा ५० रुपैयाँ ‘झवाम्’ ! भइरहेछ लाखौँ करछली (फलोअप नम्बर २)

• जनताको अधिकारमाथि यसरी धावा बोल्दै इसेवा ! प्रयोगकर्ता भन्छन्, ‘सरकारले विकल्प देओस् !’ (फलोअप नम्बर ३)