यसमा प्रहरीकै हाकिम, उनीसँग निकट दुुई ठूला मोवाइल व्यवसायीतर्फ सोझिएको शंकाको सुईँलाई स्वभाविक नै मान्न सकिन्छ । यदि होइन भने भरियालाई पक्राउ गरेर यति किलो र उति किलो सुन पक्राउ गर्यौ भन्ने प्रहरी अहिलेसम्म ती भरियालाई भाडामा प्रयोग गर्ने मालिकलाई किन पक्राउ गर्न सक्दैन ? प्रश्न उठाउने ठाँउ यही छ ।

‘

शुक्रबार राति रसुवाबाट काठमाण्डौका लागि छुटेको टाटा सुमोमा तस्करी हुँदै गरेको १५ किलो सुनसहित एकजनालाई प्रहरीले पक्राउ गरेको छ । यसअघि गएको २२ गते बिहीबार त्रिभुवन अन्तराष्ट्रिय विमानस्थलबाट ३३ किलो सुनसहित एकजना पक्राउ परेका थिए । यी पछिल्ला उदाहरणहरु  हेर्दा उपल्लो तहमा पहुँच भएका केही व्यापारी, नेपाल राष्ट्रबैंकका अधिकारी, गृहमन्त्रालय, अर्थमन्त्रालयका अधिकारी र केही मन्त्रीहरुको समेत मिलेमतो रहेको सूत्रहरुले दाबी गरेका छन् ।

राष्ट्रबैंकका एक अधिकारीका अनुसार मन्त्रीहरुसँग निकट व्यापारी नै सुन तस्करीमा संलग्न रहेका हामीलाई समेत शंका छ ।’ नाम उल्लेख गर्न नचाहने ती अधिकारीले भने–‘हाम्रै हाकिमहरुको भूमिका समेत रहस्यमय छ ।’

सुनचाँदी व्यवसायी संघका अर्का एक नेताले भने–‘मन्त्रीहरुकै सेटिङमा सुन तस्करी भइरहेको भरपर्दो सूचना हामीसँग छ । तर सबैतिर भागबण्डा पुुग्ने हुनाले यो तस्करीलाई कस्ले रोक्ने ?’ सूत्रहरुका अनुसार बजारमा मोवाइल तथा अटोको व्यवसाय गर्ने भनी चिनिएका उच्च तहका व्यापारीहरु सुुन तस्करीमा संलग्न छन् ।