काठमाडौं । नेपाल दूरसञ्चार प्राधिकरणले सेवा प्रदायक कम्पनीहरुलाई इन्टरनेटको शुल्क घटाउन निर्देशन दिँदैछ । आइतबार मन्त्रिपरिषद् बैठकले लकडाउन अवधिभर इन्टरनेटको शुल्क २५ प्रतिशत कम लिनेगरी दूरसञ्चार सेवा प्रदायकलाई निर्देशन दिने निर्णय गरेको थियो । दूरसञ्चार प्राधिकरणका अध्यक्ष पुरुषोत्तम खनालले सरकारी स्वामित्वको नेपाल टेलिकमलाई स्पष्ट निर्देशन दिने भएपनि अन्य सेवा प्रदायकलाई अनुरोध मात्र गर्ने बताए । ‘निजी सेवा प्रदायकले सरकारको अनुरोध स्वीकार्नुहुन्छ भन्ने विश्वास छ’, खनालले भने, ‘विपदको यो घडीमा उहाँहरुले पनि आफ्ना ग्राहकलाई केही न केही सहुलियत दिनुहन्छ ।’