काठमाडौं । नेपाल इन्भेष्टमेन्ट बैंकको बोनस सेयरमा मूल्य समायोजन भएको छ । नेप्सेले कम्पनीको १२.६१ प्रतिशत बोनस सेयरपछिको मूल्य समायोजन गरेको हो । बोनस सेयर समायोजनपछिको भाउ नेप्सेले ४ सय ८ रुपैयाँ ४९ पैसा निर्धारण गरेको छ । सभा प्रयोजनका लागि कम्पनीले मंसिर ६ गते सोमबार बुक क्लोज गरेको छ ।

गत वर्षको नाफाबाट बैंकले १२.६११ प्रतिशत बोनस सेयर र ३.३८९ प्रतिशत नगद लाभांश वितरण गर्ने भएको छ । बैंकको मंसिर १७ गते वार्षिक साधारणसभा हुने भएको छ । सभा बैंकको केन्द्रीय कार्यालय दरबारमार्ग काठमाडौंमा बिहान १० बजे सुरु हुनेछ । सभामा भिडियो कन्फ्रेन्सको माध्यमबाट पनि सहभागी बन्न सकिने बैंकले जनाएको छ ।