काठमाडौँ । काठमाडौँमा ग्याँस सिलिण्डर विस्फोट भएको छ । बिहीबार बिहान ९ बजे आसपासको समयमा कमलपोखरीमा ग्याँस सिलिण्डर विस्फोट भएको हो । ग्याँस विस्फोट हुँदा १४ जना घाइते भएका छन् ।
घाइतेमध्ये ११ जनालाई उपचारका लागि अस्पताल लगिएको छ भने अन्यको अवस्था सामान्य भएको काठमाडौँ उपत्यका प्रहरी कार्यालयले जनाएको छ ।
प्रहरीका अनुसार कमलपोखरीस्थित सानदार मःम पसलमा रहेको ग्याँस सिलिण्डर पड्किएको हो । सिलिण्डर पड्किँदा घाइते हुनेमा पसलकै कामदारहरु रहेको प्रहरीले जनाएको छ । घाइतेमध्ये उदयपुरका २४ वर्षीय संजोग मगरको अवस्था भने गम्भीर छ ।
ग्याँस विस्फोट हुँदा घाइते भएका पाँच जनालाई भने उपचारका लागि कीर्तिपुरको बर्न अस्पताल लगिएको प्रहरीले जनाएको छ । ग्याँक पड्किनु कारण भने अझै खुलेको छैन । घटनाबारे थप अनुसन्धान गरिरहेको प्रहरीले जनाएको छ ।
