काठमाडौँ । सिन्धुलीमा रहेको नेपाल एसबिआई बैंक लुट्ने ४ जना पक्राउ परेका छन् । उनीहरुलाई स्थानीयले समातेर प्रहरीको जिम्मा लगाएका छन् ।

उनीहरु साथबाट केहि रकम, चाउचाउ र एक झोला रेडबुलसहित पक्राउ परेका छन् ।

पक्राउ परेका उनीहरुलाई स्थानीयले किन यस्तो गलत काम गरेको भनेर सोधेका थिए । जवाफमा उनीहरुले ‘बाध्यता हो’ भन्ने छोटो जवाफ दिएको स्थानीयको भनाई छ । यद्यपी, उनीहरुको अनुहारमा बैंक लुटेको कुनै पछुतो नदेखिएको स्थानीयले जनाएका छन् ।

उनीहरुले बैंक लुट्ने प्लान केहि समय अघि नै बनाएको पनि स्थानीयसँगको सम्बादका क्रममा भनेका छन् ।