काठमाडौं । नेको इन्स्योरेन्स कम्पनीले बोनस सेयर घोषणा गरेको छ । कम्पनीले १५ प्रतिशत बोनस सेयर घोषणा गरेको हो ।

कम्पनीको माघ तीन गते (सोमबार)विहान ८ बजे बसेको सञ्चालक समितिको बैठकले आर्थिक वर्ष २०७७/७८ को मुनाफाबाट १५ प्रतिशत बोनस सेयर र बोनस सेयरमा लाग्ने कर प्रयोजनका लागि ०.७९ प्रतिशत नगद लाभांश प्रस्ताव गरेको हो ।

साथै आगामी साधारणसभाबाट एवं बीमा समितिको स्वीकृति पारित भएपश्चात प्रस्तावित बोनस शेयर तथा नगद लाभांश वितरण गरिने कम्पनीले जनाएको छ । कम्पनीको हालको चुक्ता पूँजी एक अर्ब ५२ करोड रुपैयाँ रहेको छ । प्रस्तावित लाभांश वितरण पछि चुक्ता पूँजी एक अर्ब ७४ करोड रुपैयाँ पुग्नेछ ।