काठमाडौँ- हुन्डाईका गाडीमा कालोबजारी ऐन विपरित नाफा कमाएर जनता चुस्न पल्केको लक्ष्मी हुन्डाईमा आपूर्ति मन्त्रालयले छापा मारेको छ । पहिल्लो समय आपूर्ति मन्त्रीले आफु निकटका र ठुला व्यापारीहरुकहाँ छापा नमारेको भन्ने आरोप लागिरहेका बेला अर्थ सरोकार डटकमले आपूर्तिमन्त्रीज्यू, एउटै गाडीमा २५ लाख बढी कुम्ल्याउने हुन्डाईलाईचाहिं कहिले कारवाही हुन्छ ?  शीर्षकको सामाग्री प्रकाशन गरेपछि अन्तत: आपूर्ति मन्त्रालयले उक्त कम्पनीमा छापा मारेको हो । लक्ष्मी हुन्डाईका कर्तुतबारे यसअघि पनि अर्थ सरोकार डटकमले थुप्रै सामग्रीहरु प्रकाशीत गरिसकेको छ ।

यद्यपी ठुलो कम्पनी भएकाले यो छापा मराई औपचारिकताका लागि मात्र हुन सक्ने आशंका धेरैले गरेका छन् । आफुलाई कानुनमाथि छु भन्ने दम्भ देखाउनेहरुको आपूर्ति मन्त्रालयसँग पनि सेटीङ हुन हुन्छ भन्ने शंका धेरैले गरेका छन् । यद्यपी आपूर्ति मन्त्रालयका प्रतिनिधिहरुले भने दोषी ठहरिए कोहि पनि कारवाहीबाट उम्कन नसक्ने बताएका छन् ।  

अनुगमन टोलीका संयोजक लोक्बाहादुर कार्कीका अनुसार खरिद मूल्य र विक्री मूल्यमा अन्तर देखिएको आशंकामा कम्पनीको नक्सालस्थित कार्यालयमा छापा मारिएको हो । ‘खरिद र विक्री मूल्यमा ठुलो अन्तर आएको भन्ने कुरा बाहिर आएपछी छापा मारिएको हो । दोषी ठहरिए कोहि पनि उम्कन पाउँदैन’ उनले भने ।  

हुन्डाई कम्पनीको गाडी बेच्ने लक्ष्मी हुन्डाईले कालोबजारी ऐन विपरित गाडी बेच्दा अकुत फाइदा कमाउने गरेको छ । पैसाकै पावरमा कम्पनीका कर्मचारीहरुले खुलेआम रुपमा आफुहरु जनता ठग्ने अभिव्यक्ति दिने गरेका छन् । कम्पनीले एउटा गाडी मा नै २५ लाख रुपैयाँसम्म नाफा कमाउने गरेको छ । तर कम्पनीले नेपालको कानुन विपरित काम गर्दा पनि अनेकौं कुतर्क दिएर आपूर्ति मन्त्रालयका प्रतिनिधिहरुलाई प्रभावमा पार्न खोजेको बुझिएको छ । अव यो प्रकरणमा मन्त्रालयले उक्त कम्पनीलाई के गर्छ, त्यो भने हेर्न बाँकी नै छ ।     

अर्थ  सरोकार अटो अपरेशनका यी सामाग्री छुटे कि ?

अपरेशन नम्बर १२
होसियार ! स्किमको लोभमा फस्नुहोला नि ! भूकम्प पीडीतहरुलाई ‘लुट्न’ हुन्डाईले ल्यायो यस्तो योजना 

अपरेशन नम्बर ११
महिन्द्रा KUV100 गाडी: एक्लै चढ्न ‘सानदार’, तर बालबालिकाका लागि ‘असुरक्षित’ ! 

अपरेशन नम्बर १०
गाडी बिक्नै छाडेपछि ‘ठग’ कम्पनीको यो हदसम्मको नाटक, जनता फसाउन उधारो कारोबारको ‘पासा’ !

अपरेशन नम्बर ९
जनता लुट्ने हुन्डाईको नयाँ ‘टेक्निक’ ! नयाँ बर्षमा ‘शुन्य ब्याजमा गाडी किन्न पाउने योजना’

अपरेशन नम्बर ८
मिस नेपाललाई प्रयोग गरेर हुन्डाईले सुरु गर्यो ठगीको अर्को एपिसोड, गैरकानुनी रुपमा बेचिंदैछ २०१७ ग्राण्ड आर्इ -१०

अपरेशन नम्बर ७
‘असुरक्षित’ भएको थाहा पाएपछि केपी ओलीले स्कोरपियो चढ्न छाडेको खुलासा !

अपरेशन नम्बर ६ 
हुन्डाइ कार बेच्ने कम्पनी भन्छ, ‘पत्रकारको काम लेख्ने हो, लेखिरहुन्, हाम्रो काम जनता लुट्ने हो, लुटिरहन्छौं’

अपरेशन नम्बर ५  : 

जागे जनता : ‘कालोबजारी गर्ने हुन्डाईको गाडी फिर्ता गर्छौं, लक्ष्मी इन्टरकन्टिनेन्टरविरुद्ध मुद्धा हाल्छौं’

अपरेशन नम्बर ४ : 

भारतका असुरक्षित गाडी चढ्छन् यी नेता ! 

अपरेशन नम्बर ३ :

सोझा नेपालीलाई मृत्युसँग खेलाउँदै अग्नि इन्टरकर्पाेटेड प्रालि, भारतका खतरनाक ‘गाडी’ नेपालमा धमाधम विक्री !

अपरेशन नम्बर २ : 

मिडियाको एक गल्तीलाई टेकेर सोझा नेपाली ठग्दैछ, ‘पायोनियर मोटो कर्प’ !

अपरेशन नम्बर १ : 

हुन्डाईको गाडी किन्दा यसरी ठगिन्छन् ग्राहक ! सबैतिर सेटिङ, कारवाही कसले गर्ने?