- सुरज प्याकुरेल / अर्थ सरोकार डटकम
कति प्रयोगकर्ताको कति पैसा फस्यो ?
कम्पनी बन्द भएपछि जनतालाई झुक्याउन कम्पनीले अनेक हतकण्डा अपनाएको छ । यतिसम्मकी ७ लाख लाखभन्दा बढी पटक डाउनलोड भएको एपलाई पुन त्यहि नाममा प्ले स्टोरमा अपलोड गरेको छ, जसको डाउनलोड संख्या अहिले प्ले स्टोरमा १० हजार मात्र देखाउँछ । प्ले स्टोरको नियम अनुसार १० हजारदेखि ५० हजारसम्म डाउनलोड हुने एपमा १० हजार डाउनलोड देखाउने गरेको एन्ड्रोइड डेभलोपर प्रकाश सिग्देलले अर्थ सरोकार डटकमसँग भने ।
‘जनताको त्यत्रो रकम बक्यौता रहंदा रहँदै कम्पनीले कसरी फुल-अडीटमा ‘क्लीन चिट’ पायो होला त ?’ भन्ने हाम्रो प्रश्नमा उनी भन्छन् ‘ पूर्ण लेखापरिक्षण नै भनेपनि अभ्यासमा यो पनि ‘स्याम्प्लीङ’ कै आधारमा गरिन्छ । मैले तपाईंलाइ मेरो नाम कोट नगर्नु भन्नुको अर्को कारण के पनि हो भने, यसरी राजनीतिक आड भएकाहरुको कम्पनी फुल अडिटमा परेर केहि पनि हुन्न । ‘लक्ष्मीदेवी’ भएपछि सबैकुरा मिल्छ । करले पेल्ने त सानालाई हो । यसो भन्दा फेरी तपाईंले सिएहरु पनि मतियार भए भन्नुहोला । (हाँस्दै) अव सबैलाई त भन्न हुन्न कतिपय सिएले कर अधिकृतलाई घुस मिलाईदिने काम समेत गर्छन् भन्ने कुरा त तपाईंलाई पनि थाहा होला । समाचारमा लेख्न मिल्छ कि मिल्दैन, त्यो तपाईंको कुरा हो । तर सत्य त यो पनि हो भन्ने कुरा त तपाईंलाइ पनि त थाहा छ नि ! तपाईं यत्रो समय सिए सरोकार डटकम (अनलाइन पत्रिकाको नाम) समेत चलाएर बसेको मान्छे !’
उनी अगाडी भन्छन्, तपाईंले भनेको कुरालाई विश्लेषण गर्ने हो भने त्यहाँपनि केहि खिचडी पाकेको थियो भन्ने बुझ्न गाह्रो छैन । यध्यपी क्लिन चिट पाएपनि पुन: ३ बर्ष नभई पूर्ण लेखापरिक्षण नहुने भने होइन ।’
यता आन्तरिक राजस्व विभागकि सुचना अधिकारी चन्द्रकला पौडेलले भने कम्पनी बन्द भयो भन्दैमा त्यसको कर दायित्व सकियो भन्ने होइन र एक पटक फुल अडीट भएपछि ३ वर्षसम्म ढुक्क हुन्छ भन्ने पनि होइन ।फुल अडिट भनेको कुनैपनि बेला गर्न सकिन्छ । आयकर ऐन २०५८ र भ्याट ऐन २०५८ ले स्पष्ट रुपमा कुनैपनि बेला पूर्ण लेखापरिक्षण गर्न सकिने सपष्ट व्यवस्था गरेको छ । कतिपय कम्पनीको बर्षैपिच्छे पूर्ण लेखापरिक्षण भएका उदाहरणपनि छन् ।’ विभागकी सुचना अधिकारी पौडेलले भनिन् ।
तर क्यास अन एड ‘लन्च’ हुँदा ताका उनी यसका अध्यक्ष भएको भन्दै विभिन्न पत्रपत्रिका तथा अनलाइनले छापेका पूराना समाचारहरुको हामीले ‘स्क्रिनसट’ राखेका छौं । र त्यसपछी उनलाइ पटक पटक हामीले सम्पर्क गर्दा पनि उनी सम्पर्कमा आउन चाहेका छैनन् भने हामीले गरेको एसएमएसको पनि रिप्लाई गरेका छैनन् । उनले हामीसँगको कुराकानीमा क्यास अन एडका सीइओ अरु कोहि नै भएको र उनको पूरा नाम समेत थाहा नभएको हास्यास्पद उत्तर दिएका थिए ।
जवकी नेपाली पत्र डटकम, इकान्तिपुर डटकम, उज्यालो अनलाइन डटकम, हिमाल खबर पत्रिका, अनलाइनखबर डटकम लगायतले उनी क्यास अन एडका अध्यक्ष भएको उल्लेख गरेको छ । आफु अध्यक्ष भएको कम्पनीका सीइओको नाम समेत थाहा नभएको सुन्दा जो कोहिलाइ पनि अचम्म लाग्न सक्छ ।
सुन्नुहोस् उनीसँग गरिएको कुराकानी जस्ताको त्यस्तै
उनले बोलेका माथिका कतिपय झुटहरुलाई विभिन्न अनलाइन पत्रिकामा छापिएका तलका समाचारहरुले स्पष्ट गरेको छ । :
(विश्वास ढकालको फोटो गुगलबाट लिइएको हो। )
