NABIL AD

जताततै कोरोनाको त्रास ! ज्यानमारा नबनोस् राष्ट्र बैंकको पास !

GARIMA BANK
  • सम्पादकीय 
लक्ष्मी बैंकका एक कर्मचारीका काकालाई कोरोना पोजेटिभ देखिएपछि उनी बस्ने घर सिल भएको छ । संक्रमित काकाका उही घरमा बस्ने भतिज बैंकर यो पत्ता नलागुन्जेल कार्यालय गएका थिए । टेलरमा बस्ने उनी थुप्रैसँग सम्पर्कमा आएका छन् । कति बैंक पुगे होलान्, कति स्टाफ उनको सम्पर्कमा आए प्रशासनले खोजी कार्य जारी राखेको छ । केहि नहुन्जेल केहि नभएको जस्तोदेखिए पनि केहि भइहालेको खण्डमा स्थिति बिकराल बन्ने निश्चित छ । बैंकरहरु डराएका छन् । बैंक जाउँ कोरोनाको जोखिम छ । नजाउँ, जागिरको सवाल छ । जागिर बचाउनुको विकल्प छैन उनीहरुसँग । तर यहि बेला कोरोनाको त्रास भने दिनानुदिन बढीरहेको छ ।   
कोरोनाका थप संक्रमित भेटिएसँगै सतर्कता अपनाईएको छ । तर कसैलाई के धन्दा, कसैलाई के धन्दा भनेजस्तै 
नेपाल राष्ट्र बैंकले प्रति बैंक २० सवारी पास दिएर बैंक खोलिनै रहेको छ । यसरी कि मानौं राष्ट्र बैंकले दिएको पास बोक्नेलाई कोरोनानै लाग्दैन जस्तो । बैंकका हाकिमहरु ब्याज मिनाहा गर्ने राष्ट्र बैंकको निर्देशनको विरोध गर्नमै व्यस्त छन् । विचरा कर्मचारीहरुलाई जागिर बचाउनुछ- डरले काँप्दै, घरमा गाली खाँदै काम गर्नुपरेको छ ।
हामी नै नरहे के का बैंकिङ ? डिजिटल कारोबारका जोड दिंदा के बिग्रिन्छ ? टेलर नखोले के बिग्रिन्छ ? यसै पनि ४-५ वटाभन्दा कारोबार छैन । किन खोल्नुपरेको बैंकका शाखा ? यस विषयमा बैंक संवेदनशील हुन जरुरी छ ।यस्तो महामारीका बेला बैंकरहरुलाई जोखिममा राखेर राष्ट्र बैंकजस्तो अभिभावकले गल्ती गरेको छ, बैंकका हाकिमहरुले यसको विरोध गर्नुपर्ने ठाउँमा ब्याज मिनाहाको निर्देशनको विरोध गरिरहेका छन् ।
सुन्दा नमिठो लाग्न सक्छ, तर स्थिति यस्तो भयावह भइसक्यो कि, केहि बैंकरहरुमा मानसिक समस्या देखिन थालिसकेको छ ।  घरभेटीले ‘कि बैंकको जागिर छोड्नु, कि कोठा छोड्नु’ भन्न थालिसकेका छन् । बाँचिएछ भने महामारी सकिएपछि खोलौंला नि बैंक त ! होइन र ? राष्ट्र बैंकले जारी गरेको पास ज्यानमारा नबनोस् ! 
Jagadamba
MEGA

प्रतिक्रिया दिनुहोस्

सिफारिस:

अर्थ सरोकार डटकममा प्रकाशित समाचार शुभम् मिडियाको लिखित अनुमतिविना कतैपनि सम्प्रेषण गर्न मनाही छ । हामी अनुसन्धानमा विश्वास गर्छौं । र आजका हरेक पाठकहरु खोजमूलक समाचारका प्यासी छन् भन्ने हामीले बुझेका छौं । त्यसैले देशका विभिन्न ठाउँहरुमा हाम्रा इन्भेष्टिगेसन ब्यूरोहरु छन् । तपाईंसँग पनि केहि समाचार छन्, वा हाम्रा समाचारप्रति कुनै टिकाटिप्पणी वा सुझाव भए सिधै ९८५१०१७९१४ वा ०१-५१९९१०८ मा सम्पर्क गर्न सक्नुहुनेछ । वा arthasarokarnews@gmail.com मा ई-मेल गर्न सक्नुहुनेछ । तपाईंको परिचय गोप्य राखिनेछ । अर्थ सरोकार समाचार प्रभाव हेर्न यहाँ क्लिक गर्नुहोस् ।

© Shubham Media Pvt. Ltd. All Rights Reserved 2021.

Artha Sarokar® Trademark Registered. Regd. No. : 047796

Maintained By : Eservices Nepal