NABIL AD
Civil Bank

देश बोल्ने फोटो कथाः यात्रुको पर्खाइमा पोखराका डुङ्गा चालक, कोरोनाको खोप लगाउनेको संख्या ह्वात्तै बढ्यो

GARIMA BANK AD
  • अर्थ सरोकार सम्बाददाता
काठमाडौं । देशभर विभिन्न घटना घट्छन् । केहि सामान्य समाचारका विषय हुन्छन्, केहि समाचारले असामान्य कम्पन पैदा गरिदिन्छन् । केहि तस्विर फगत तस्विरमात्र हुन्छन् भने केहि तस्विरले देश बोल्दछन् । हामी हरेक दिन सातै प्रदेशका त्यस्ता तस्विरहरुलाई प्रकाशन गर्छौँ, जसले देश र जनताको आर्थिक स्थिति प्रतिनिधित्व गर्छ । समसामयिक विषयमा राज्यलाई खबरदारी गर्छ र जनताको जीवन बोल्छ । आज कुन कुन ठाउँमा के के भयो रु यी दृश्यहरु आफैं बोलिरहेछन् । आजको अंकमा हामीले पोखरा महानगरपालिका-३१, लेखनाथको बेगनास ताल छेउमा यात्रुको पर्खाइमा डुङ्गामै विश्राम गरिरहेका महिलादेखि मध्यपुर थिमिस्थित नेपाल कोरिया मैत्री नगरपालिका अस्पतालमा कोभिड-१९ विरुद्धको खोप लगाउने सर्वसाधारणसम्मका दृश्यलाई फोटोमा समेटेका छौं ।

हेरौं फोटो समाचारः
पोखरा महानगरपालिका-३१ लेखनाथको बेगनास ताल छेउमा यात्रुको पर्खाइमा डुङ्गामै विश्राम गर्दै डुङ्गा चालक ।
मध्यपुर थिमिस्थित नेपाल कोरिया मैत्री नगरपालिका अस्पतालमा कोभिड-१९ विरुद्धको खोप लगाउन लामबद्ध सर्वसाधारण । अस्पतालमा ४० देखि ६० वर्ष उमेर समूहलाई वैशाख ३ देखि ५ गतेसम्म खोप लगाइन्छ ।
घर नजिकै खानेपानीको धारा नभएपछि कुवामा पानी भर्दै खोटाङ, हलेसी तुवाचुङ नगरपालिका-१ बाहुनीडाँडाका वृद्धवृद्धा । सुख्खाग्रस्त क्षेत्रमा पर्ने नगरपालिकाका अधिकांश बासिन्दा कुँवा, खोला तथा दूधकोशी नदीबाट बोकेर ल्याएको पानी पिउन बाध्य छन् ।
चिसो क्षेत्रमा लहराजन्य काँक्रो र फर्सीका बोटबिरुवा उत्पादन गर्न प्लाष्टिक थैलाको प्रयोग । उत्तरी भेकमा फागुनसम्म नै माटो नतात्ने र जमीनमा रोपिएको बीउमा उम्रिने शक्तिमा ह्रास आएपछि किसानले प्लाष्टिकमा बिरुवा उत्पादन गरी जमीनमा सार्ने अभ्यास शुरू गर्न थालेका छन् । प्लाष्टिकमा रोपिएका बीउ ९० प्रतिशत उम्रिन सफल भएको किसान बताउँछन् ।
दाङका किसानले हिउँदेबाली भित्र्याएपछि खेतमा आहाराको खोजीमा आएका बकुलाको बथान । बकुला खेतमा कीराफट्ङग्रा खोजेर खान आएका हुन् ।
तनहुँको व्यास नगरपालिका-११ स्थित तनहुँसुरमा पदयात्राका लागि पुगेको टोली । व्यास –११ मूलपानीदेखि शुरु हुने पदमार्ग सोही वडाको तनहुँसुरसम्म पुगेर टुङ्गिनेछ ।
तनहुँको व्यास नगरपालिका-११ स्थित तनहुँसुरमा पदयात्राका लागि पुगेको टोलीलाई स्वागत गर्न बसेका स्थानीयवासी । व्यास-११ मूलपानीदेखि शुरु हुने पदमार्ग सोही वडाको तनहुँसुरसम्म पुगेर टुङ्गिनेछ ।
दाङको दंगीशरण गाउँपालिका वडा नं ७ का नागरिकलाई खरका छाना हटाउने अभियानअन्तर्गत जस्तापाता वितरण गर्दै गाउँपालिका ।
बैतडीको मेलौली भगवती मन्दिरमा चैते दशैँका अवसरमा लागेको मेलामा सहभागीहरु । कोरोनाको दोस्रो लहरको खतरालाई ध्यानमा राखी सरकारले २५ जना भन्दा बढी भेला नहुन आग्रह गरे पनि यहाँ जनस्वास्थ्यका मापदण्डबिनै मेला लागेको हो ।
बैतडीको मेलौली भगवती मन्दिरमा बलिका लागि राखिएका राँगा । यहाँ चैते दशैँका अवसरमा मेला लागेको छ । कोरोनाको दोस्रो लहरको खतरालाई ध्यानमा राखी सरकारले २५ जनाभन्दा बढी भेला नहु्न आग्रह गरेको भए पनि यहाँ जनस्वास्थ्यका मापदण्डबिनै मेला लागेको हो ।
Hamro Parto AD
MEGA

प्रतिक्रिया दिनुहोस्

सिफारिस:

BLUE DIAMOND AD
अर्थ सरोकार डटकममा प्रकाशित समाचार शुभम् मिडियाको लिखित अनुमतिविना कतैपनि सम्प्रेषण गर्न मनाही छ । हामी अनुसन्धानमा विश्वास गर्छौं । र आजका हरेक पाठकहरु खोजमूलक समाचारका प्यासी छन् भन्ने हामीले बुझेका छौं । त्यसैले देशका विभिन्न ठाउँहरुमा हाम्रा इन्भेष्टिगेसन ब्यूरोहरु छन् । तपाईंसँग पनि केहि समाचार छन्, वा हाम्रा समाचारप्रति कुनै टिकाटिप्पणी वा सुझाव भए सिधै ९८५१०१७९१४ वा ०१-५१९९१०८ मा सम्पर्क गर्न सक्नुहुनेछ । वा arthasarokarnews@gmail.com मा ई-मेल गर्न सक्नुहुनेछ । तपाईंको परिचय गोप्य राखिनेछ । अर्थ सरोकार समाचार प्रभाव हेर्न यहाँ क्लिक गर्नुहोस् ।

© Shubham Media Pvt. Ltd. All Rights Reserved 2022.

Artha Sarokar® Trademark Registered. Regd. No. : 047796

Maintained By : Eservices Nepal