काठमाडौं । कुमारी बैंकले सेयरधनीलाई २.६७ प्रतिशत नगद लाभांश बैंकमा खातामा पठाएको छ । बैंकले डिम्याट खाता र बैंक खाता अद्यावधिक गरेका सेयरधनीको खातामा नगद जम्मा गरिदिएको हो । यस्तै बैंकले नगद लाभांश खातामा नआएका सेयरधनीलाई डिम्याट खाता र बैंक खाता अपडेट गर्न भनेको छ ।

कुमारी बैंकको कात्तिक १६ गते बसेको साधारण सभाले आर्थिक वर्ष २०७७/७८ को नाफाबाट ६ प्रतिशत बोनस सेयर र २.६७ प्रतिशत नगद लाभांश वितरण गर्ने प्रस्ताव पारित गरेको थियो । बोनस सेयर डिम्याट खातामा पठाउन भने केही समय लाग्नेछ ।