काठमाडौं । प्राइम लाइफ इन्स्योरेन्सको बोनस सेयरमा मूल्य समायोजन भएको छ । नेप्सेले कम्पनीको १५ प्रतिशत बोनस सेयरपछिको मूल्यमा समायोजन गरेको हो । नेप्सेले बोनस सेयर समायोजनपछिको भाउ ७५६ रुपैयाँ ५२ पैसा निर्धारण गरेको छ । सभा प्रयोजनका लागि कम्पनीले मंसिर १० गते शुक्रबार बुक क्लोज गरेको छ ।
प्राइम लाइफले आर्थिक वर्ष २०७६/७७ को नाफाबाट लगानीकर्तालाई १५ प्रतिशत बोनस सेयर र कर तिर्नको लागि ०.८७ प्रतिशत नगद लाभांश वितरण गर्न लागेको हो । कम्पनीले मंसिर १९ गते वार्षिक साधारण सभा डाकेको छ ।
